Edukata shoqërore 3 - Albas

Libër mësuesi për tekstin “Edukata shoqërore 3”
Tema 1. Individi
KAPITULLI I
INDIVIDËT DHE GRUPI
Objektivat: Në fund të orës së mësimit nxënësi duhet të jetë i aftë:
• Të dallojë individin nga veçoritë e tij/saj morale dhe shoqërore.
• Të diskutojë për situatat e dhëna duke iu përgjigjur pyetjeve përkatëse.
• Të dallojë se ku ndryshojnë individët nga njëri-tjetri.
Fjalë kyç:
Mjetet:
individ, sjellje individuale.
teksti, pamje të fëmijëve në klasë dhe familje.
Aftësitë: të dalluarit, të diskutuarit.
Struktura PNP Metoda, teknika e veprimtari Koha
Parashikimi
Bashkëbisedim
Ndërtimi i njohurive
Diskutim problemor
Përforcimi
Veprimtari praktike
Zhvillimi i mësimit
Parashikimi: Bashkëbisedim
Bashkëbisedohet me nxënësit.
Çdo njeri ka cilësitë e veta.
- Pse Altini dhe Jona, megjithëse janë motër e vëlla ndryshojnë shumë nga njëri-tjetri Nxënësit japin
mendimet e tyre, duke lexuar një nga fragmentet e faqes 4 të tekstit, p.sh.:
Altini i zgjuar, i pëlqen kompjuteri, ha shumë frutat;
Jona punëtore, i pëlqejnë librat, ha shumë ëmbëlsirat.
Nxënësit arrijnë në një përfundim: edhe pse ata janë motër e vëlla janë të ndryshëm, sepse janë dy njerëz
të ndryshëm. Çdo njeri dallohet nga gjinia, pamja, sjellja dhe shijet e tij.
Çdo njeri është një individ. Ai ka cilësitë e tij vetjake, që e dallojnë nga të tjerët. Ai dallohet nga pjesëtarët e
tjerë të familjes dhe të shoqërisë së tij. Ndonëse njerëzit janë të ndryshëm ata duhet ta respektojnë njëri-tjetrin.
Sjellja e zbukuron njeriun. Ajo e bën atë të mirë ose të keq, të bukur ose të shëmtuar. Kjo quhet sjellje
individuale.
Ndërtimi i njohurive: Diskutim problemor
Situata problemore:
- Altini i tregon Jonës ato që ndodhin në klasën e tij. Jona e dëgjon me vëmendje të vëllanë, por nuk
bën të njëjtën gjë si ai. Altini mërzitet.
Pyetje: - Si e shpjegoni sjelljen e Jonës Po ti si vepron në situata të tilla
- Altini e Jona jetojnë në një pallat afër Shtëpisë së të moshuarve. Ata shkojnë shpesh në shtëpinë e
të moshuarve: u recitojnë vjersha, u këndojnë këngë, tregojnë gazmore dhe u çojnë dhurata.
Pyetje: - Cila mendoni ju se është dhurata më e bukur për të moshuarit (Dhurata më e bukur që bëjnë
fëmijët për të moshuarit është sjellja e tyre e mirë. Fëmijët ua bëjnë jetën më të bukur atyre me sjelljen e tyre
të kulturuar.)
Përforcimi: Veprimtari praktike në klasë
Lexoni në tekst disa cilësi dhe i gruponi në dy shtylla. P.sh.: i kujdesshëm - e çrregullt; i zhurmshëm
- i vëmendshëm etj.
Sipas cilësive që grupove diskuto me shokët se cilat tregojnë sjellje të mirë dhe cilat sjellje jo të mirë.
99