Edukata shoqërore 3 - Albas

Libër mësuesi për tekstin “Edukata shoqërore 3”
Tema. Takim me mjekun e shkollës
Objektivat: Në fund të orës së mësimit nxënësi duhet të jetë i aftë:
• Të tregojë disa sëmundje ngjitëse bazuar në informacionin e dhënë.
• Të përshkruajë 2-3 rregulla për higjienën e trupit dhe të gojës.
• Të vlerësojë punën e mjekut si të dobishme dhe të domosdoshme për njerëzit.
Mjete:
Orë e lirë
postera të ISHP-së, të cilat mjeku i shkollës i ekspozon në shkollë,
letra, lapostila, gërshërë, ngjitëse.
Zhvillimi i mësimit
Hapi I. Një vizitë në dhomën e mjekut të shkollës. Njohja me veglat që përdor mjeku, si: stetoskopi,
termometri, luga për të parë grykët, monoskopi për të parë veshin etj.
Hapi II. Improvizimi i vizitave nga mjeku për 2-3 fëmijë.
Hapi III. Ardhja e mjekut në klasë.
Drejtimi i pyetjeve të përgatitura më parë nga nxënësit me ndihmën e mësuesit/es.
- Si ka rritur të bëhet mjeke
- Çfarë shkolle ka studiuar
- A është profesion i vështirë A gjen kënaqësi te profesioni i zgjedhur
- Ç`janë bakteret
- Cilat janë sëmundjet ngjitëse
- Pse quhen ngjitëse
- Si mund të mbrohemi nga këto sëmundje
- Pse duhet të rrimë shtrirë kur jemi të sëmurë
- Pse nuk duhet të pimë ujë shumë të ftohtë
- Pse nuk duhet të hamë shumë ëmbëlsira
Lista mund të shtohet me shumë pyetje të tjera. Kjo listë pyetjesh mund t’i jepet mjekut bashkë me ftesën
që ju i bëni për të qenë me ju në një ditë mësimi.
Hapi IV. Përgatitim një poster për shëndetin dhe kujdesin që duhet të tregojmë.
Nxënësit mund të mos e mbarojnë punën këtë orë. Mund të shfrytëzohet një orë tjetër e lirë për të
mbaruar punën e nisur me temë: “Shëndeti ynë është i çmuar”.
Posterat (vizatimet) dhe mesazhet ngjiten në muret e korridoreve të shkollës. Kjo do ta bënte më entuziaste
dhe të vlerësuar punën e fëmijëve.
131