Edukata shoqërore 3 - Albas

Libër mësuesi për tekstin “Edukata shoqërore 3”
Gjatë viteve të punës çdo qytetar paguan sigurime, të cilat pasi mbush moshën i merr në formën e pensionit.
Në situatën e dytë nxënësit diskutojnë mbi mënyrën e përdorimit të të ardhurave nga familja e Jonës dhe
mënyrën se si i përdorin të ardhurat në familjet e tyre.
Në situatën e tretë nxënësit paraqesin idetë mbi vendimet ekonomike që iu duhet të marrin familjet për të
plotësuar nevojat dhe dëshirat dhe njohuritë e tyre mbi bankat.
Mësuesi/ja shton informacionin mbi veprimtaritë e bankave si institucione ku depozitohen, ruhen të ardhurat.
Një funksion tjetër i tyre është marrja e rrogës mujore, marrja e kredive për të plotësuar nevojat e familjes.
Nxënësit diskutojnë dhe dëgjojnë njëri-tjetrin.
Përforcimi: Rrjeti i diskutimit
Nxitet diskutimi mbi profesionet dhe çfarë iu pëlqen të bëhen kur të rriten, si dhe arsyet e përzgjedhjes.
Po Pyetja Jo
- A mendoni se profesioni që ju ëndërroni do t’iu japë
kënaqësi apo më shumë të ardhura Pse
Në fakt ajo që ne duam t’iu edukojmë nxënësve është fakti se një zgjedhje duhet të na japë kënaqësi, të
bëjmë një punë që ne do të dimë ta bëjmë shumë mirë dhe të ardhurat do ta justifikojnë zgjedhjen e bërë.
Detyrë shtëpie. Pyetni prindërit tuaj nëse situate ekonomike në familje është e
qëndrueshme apo ka probleme. Si mendojnë prindërit se do ta
zgjidhin një situatë me probleme
Tema 2. Unë kam nevojë për…
Objektivat: Në fund të orës së mësimit nxënësi duhet të jetë i aftë:
• Të dallojë nevojat nga dëshira.
• Të listojë jo më pak se tri nevoja të tij/saj, të cilat ndikojnë në një rritje të shëndetshme.
• Të listojë jo më pak se tri dëshira që do t’i shtonin kënaqësinë.
• Të tregojë 2-3 përgjegjësi që kanë fëmijët në familje dhe në shkollë.
• Të diskutojë situatat problemore duke iu përgjigjur pyetjeve të dhëna.
• Të krahasojë nevojat e njerëzve me ato të kafshëve.
Fjalë kyç: nevojë, rëndësi.
Mjetet:
teksti i nxënësit.
Aftësitë:
të dalluarit, të krahasuarit, të diskutuarit.
Struktura PNP Metoda, teknika e veprimtari Koha
Parashikimi
Plotëso fjalinë, punë në dyshe
Ndërtimi i njohurive
Marrëdhëniet pyetje-përgjigje, diskutim situatash
Përforcimi
Mendo-krahaso
Zhvillimi i mësimit
Parashikimi: Plotëso fjalinë
Plotësoni në fletore fjalitë e dhëna:
• Unë kam nevojë për ………… që të rritem i shëndetshëm.
• Unë kam nevojë të …………. që të bëhem i ditur.
• Unë kam dëshirë të shkoj …………………… që të notoj.
• Unë kam dëshirë të kem një……………. që ta nxjerr shëtitje.
127