Edukata shoqërore 3 - Albas

Libër mësuesi për tekstin “Edukata shoqërore 3”
Tema 3. Jam përdorues i rrugës
Objektivat: Në fund të orës së mësimit nxënësi duhet të jetë i aftë:
• Të tregojë jo më pak se dy rregulla të ecjes në rrugë.
• Të dallojë shenjat e dhëna.
• Të diskutojë për rëndësinë e zbatimit të rregullave të qarkullimit në rrugë.
• Të analizojë situatat problemore, duke u ndihmuar nga ilustrimet.
Fjalë kyç:
Mjetet:
Aftësitë:
përdorues i rrugës, kalimtar.
shenja të qarkullimit rrugor, foto të rrugëve.
të dalluarit, të diskutuarit, të analizuarit.
Struktura PNP Metoda, teknika e veprimtari Koha
Parashikimi
Ndërtimi i njohurive
Përforcimi
Lapsat në mes
Lexim zinxir dhe koment
E vërtetë apo e gabuar
Zhvillimi i mësimit
Parashikimi: Lapsat në mes
Nxënësit ndahen në grupe. Iu kërkohet që secili prej tyre të shkruajë nga një rregull të ecjes në rrugë.
Nxënësit kanë mësuar dhe në klasën e dytë rregulla të tilla. Mësuesi/ja afrohet në grupet e nxënësve dhe i
drejton lapsin një nxënësi. Nxënësi lexon rregullin që ka shkruar.
Pasi mbaron veprimtaria mësuesi/ja i prezanton nxënësve se çfarë do të mësojnë sot.
Ndërtimi i njohurive: Lexim zinxhir dhe koment
Lexohen rregullat zinxhir dhe diskutohet rreth tyre. Nxënësit mund t’i konkretizojnë rregullat me fotot e
rrugëve që kanë sjellë.
Më pas komentohen shenjat paralajmëruese. Mësuesi/ja kërkon që nxënësit t’i komentojnë ato.
Shpesh në klasë ka nxënës që kanë njohuri të mira për këto shenja. Mësuesi/ja i lavdëron dhe i inkurajon
për njohuritë e tyre, vëmendjen që ata kanë treguar gjatë ecjeve në rrugë të ndryshme.
Komentohen dhe shenjat e spitalit, restorantit dhe telefonit, të cilat gjenden në rrugë të ndryshme ose në
qytete.
Ilustrohen dhe diskutohen figurat ku nxënësit japin idetë e tyre të ecjes në rrugë.
Punohen situatat problemore në dyshe. Nxënësit diskutojnë mbi këto situata.
Përforcimi: E vërtetë apo e gabuar
Nxënësit në dyshe punojnë thëniet, të cilat janë shkruar në një fletë muri nga mësuesi/ja.
V G Këmbësorët ecin në rrugë.
V G Makinat duhet të ecin në trotuar.
V G Në rrugët pa vija të bardha kalohet në pjesën më të gjerë të saj.
V G Ne jemi përdorues të mirë të rrugës kur respektojmë semaforin,
shpejtësinë dhe largësinë midis automjeteve.
Detyrë shtëpie. Shkruani një mesazh që ti more në mësimin e sotëm.
115