Edukata shoqërore 3 - Albas

Libër mësuesi për tekstin “Edukata shoqërore 3”
Tema 2. Kur unë kam nevojë
Objektivat: Në fund të orës së mësimit nxënësi të jetë i aftë:
• Të përshkruajë 2-3 institucione në shërbim të qytetarëve, duke u bazuar në
materialin e dhënë.
• Të diskutojë për barazinë në shërbimin që ofrojnë këto institucione si një e drejtë
e qytetarëve.
• Të ofrojë zgjidhje të situatave problemore, duke u bazuar në përvojat e tij/saj.
Fjalë kyç:
Mjetet:
shërbim, institucione, barazi në shërbim.
teksti i nxënësit, foto të institucioneve në komunitet.
Aftësitë: të përshkruarit, të diskutuarit, të shprehurit.
Struktura PNP Metoda, teknika e veprimtari Koha
Parashikimi
Stuhi mendimesh
Ndërtimi i njohurive
Punë në grupe
Përforcimi
Rrjeti i diskutimit
Zhvillimi i mësimit
Parashikimi: Stuhi mendimesh
- Për çfarë kanë nevojë njerëzit në një lagje (ambulancë, shkollë, çerdhe, gjelbërim, lulishte, park
lodrash, farmaci, dentist, stacion policie, shitore)
- A gjenden këto shërbime në lagjen tuaj
- Cili i siguron ato
Nxënësit japi mendimet e tyre. Mësuesi/ja vazhdon t’iu prezantojë atë ç’ka do të mësojnë në këtë temë mësimore.
- Sot do të mësojmë se shumë nga këto institucione, shërbime që ju përmendët më sipër, qytetarëve
ia siguron shteti dhe në këtë rast institucionet quhen institucione publike dhe në disa raste këto institucione
mund të jenë private.
Ndërtimi i njohurive: Punë në grupe
Mësues/ja i orienton nxënësit të lexojnë në faqen 26 informacionin mbi institucionet dhe më pas iu kërkon të
numërojnë nga 1-4. Njëshat do të paraqesin në mënyrë të përmbledhur shërbimet që ofron policia, dyshat për
zjarrfikëset, treshat për ndërmarrjet e gjelbërimit, katrat për ndihmën e shpejtë ose urgjencën. P.sh.:
1. Zjarrfikëset: shuajnë zjarret, në raste përmbytjesh, aksidentesh, ecin shumë shpejt, ndezin sirenat, në
mënyrë që rruga të jetë e lirë.
2. Policia: mbron njerëzit nga keqbërësit, iu krijon qetësi qytetarëve.
Nxënësit lexojnë punët e tyre.
Punohen situatat problemore në grupe sipas ndarjeve të realizuara më lart. Nxënësit ofrojnë zgjidhjet e tyre. Sigurisht
mësuesi/ja shton informacione për ujësjellësin, për ndihmën sociale, për shërbimin arsimor shtetëror dhe atë privat.
Përforcimi: Rrjeti i diskutimit
Mësuesi/ja ndërton në tabelë rrjetin e diskutimit:
Po Pyetja Jo
A mendoni se në shkollë mësuesit i trajtojnë të gjithë
nxënësit njëlloj
Nëse nxënësit japin përgjigje pozitive, atëherë mësuesi/ja i nxit me pyetjet Pse mësuesit iu trajtojnë në
mënyrë të barabartë të gjithëve (Sepse të gjithë jemi të barabartë dhe një shtet demokratik ka qëllimin e tij
kryesor që të gjithë shtetasit të jenë të barabartë.)
110
Vlerësohen nxënësit për pjesëmarrjen dhe mendimet që dhanë gjatë kësaj ore mësimi.