Edukata shoqërore 3 - Albas

Libër mësuesi për tekstin “Edukata shoqërore 3”
Tema 5. Rregullat në lojë
Objektivat: Në fund të orës së mësimit nxënësi duhet të jetë i aftë:
• Të vendosë vetë rregullat e lojës.
• Të respektojë rregullat e lojës.
• Të zbatojë rregullat e vendosur nga të tjerët.
Parashikimi: Bashkëbisedim
Fjalë kyç:
Mjetet:
Aftësitë:
lojë, bashkëveprim, mirëkuptim.
teksti, shami, top, piktura.
të demonstruarit, të praktikuarit, të zbatuarit.
Struktura PNP Metoda, teknika e veprimtari Koha
Parashikimi
Bashkëbisedim
Ndërtimi i njohurive
Përforcimi
Diskutim
Lojë
Zhvillimi
i mësimit
Mësojmë rregullat e lojës.
• Loja e parë: Vizatimi i gojës me sy mbyllur.
Në dërrasë të zezë vizatohet një fytyrë, e cila ka hundën, sytë, vetullat dhe veshët, por i mungon goja.
Rregulli i lojës: Lojtari duhet të gjejë vendin e gojës dhe ta vizatojë atë me sy mbyllur:
- Lojtarët i lidhen sytë me shami.
- Shamia i lidhet mirë, që lojtari të mos shikojë.
- Lojtari të gjejë pozicionin e gojës e ta vizatojë me shkumës.
- Nxënësit nuk duhet të reagojnë që lojtari ta gjejë vetë.
Po kështu veprohet dhe për lojën e dytë: “loja e qetësisë” dhe për lojën e tretë: “loja e peshkut”.
Vendosen rregullat që duhen zbatuar për çdo lojë. Nxirren konkluzionet për rregullat që duhet të zbatohen:
- Rregullat e lojës mësohen duke luajtur.
- Ai që nuk i zbaton rregullat në lojë nuk është lojtar i mirë.
Ndërtimi i njohurive: Diskutim
- Cila nga këto tri lojëra ju pëlqeu më shumë Pse
- Në cilën nga këto lojëra u zbatuan më mirë rregullat e lojës
- Në cilën lojë nuk u zbatuan siç duhet rregullat e lojës Pse
Janë mendimet e lira të nxënësve për zbatimin e rregullave të çdo loje.
Përforcimi: Lojë
Nga vetë nxënësit zgjidhet një nxënës, i cili do të zhvillojë para klasës një lojë. Por, përpara se të zhvillohet
loja, nxënësi i zgjedhur si lojtar cakton rregullat e lojës.
Detyrë (jashtë klase). Mësoni nga prindërit ose shokët e lagjes një lojë,
caktoni rregullat e lojës dhe luani në kohën e lirë si
në shkollë dhe me shokët e pallatit tuaj.
108