Edukata shoqërore 3 - Albas

Libër mësuesi për tekstin “Edukata shoqërore 3”
Tema 4. Ndryshojmë rregullat
Objektivat: Në fund të orës së mësimit nxënësi duhet të jetë i aftë:
• Të thotë konceptin e ndryshueshmërisë së rregullave.
• Të diskutojë për rregullat me të cilat nuk është dakord.
• Të përshkruajë si mund të ndryshojë rregullat e klasës.
• Të përpilojë rregulla për mjedise të ndryshme.
Parashikimi: Bashkëbisedim
Fjalë kyç:
Mjetet:
Aftësitë:
ndryshim, uniformë.
të diskutuarit, të përshkruarit, të përpiluarit.
teksti, etiketa me rregulla.
Struktura PNP Metoda, teknika e veprimtari Koha
Parashikimi
Bashkëbisedim
Ndërtimi i njohurive
Diskutim
Përforcimi
Argumento
Zhvillimi
i mësimit
Bashkëbisedohet me nxënësit: “Si ndryshojnë rregullat”.
- Altini pa albumin e familjes, ku shikoi mamin me shoqet e veta të gjimnazit në një fotografi, që të gjitha
vajzat ishin veshur me përparëse të zeza. Kjo Altinit nuk i pëlqeu. Motra e tij shkon në gjimnaz (pa uniformë)
me veshjen e saj të bukur. Mami i tha Altinit: “Ky ka qenë rregulli i asaj kohe”. Tani rregullat kanë ndryshuar.
Çdo shkollë e zgjedh vetë uniformën e saj.
Jeta jonë ndryshon çdo ditë. Edhe rregullat ndryshojnë. Këto rregulla ndryshojnë nga vetë njerëzit.
- Po mjedisi si ndryshon (Kudo bëhen ndërtime të reja, lulishte, kënde sportive për fëmijë etj. Pra,
ndryshon mjedisi publik, ndryshojnë dhe rregullat për ruajtjen e mirëmbajtjes së mjedisit.)
Ndërtimi i njohurive: Diskutim
- Vite më parë nxënësit ishin të detyruar të merrnin pjesë në të gjitha veprimtaritë jashtë shkollore. Tashmë
ky rregull ka ndryshuar, nxënësit janë të lirë të marrin pjesë ose jo në këto veprimtari jashtëshkollore.
- Si mendoni, është më mirë tani apo më parë Argumentoni përgjigjen tuaj.
- Më parë uniformat për nxënësit për të gjitha shkollat ishin njëlloj. Tani organizohen takime, anketa,
pyetësor me vetë nxënësit për të vendosur llojin e uniformës në shkollë.
- A duhet marrë mendimi i nxënësve për të vendosur Pse (Po, duhet marrë mendimi i nxënësve për
uniformën shkollore.)
Me kalimin e kohës njerëzit ndryshojnë, pra duhet të ndryshojnë edhe rregullat, si në familje dhe në shoqëri.
Përforcimi: Argumento
Secili nga ju të sjellë në klasë mendimin tuaj me disa rregulla që (sipas mendimit tuaj) duhen ndryshuar.
Diskutoni me njëri-tjetrin për rregullat që duhet ndryshuar ose që janë ndryshuar me kalimin e viteve.
Detyrë tona: Të ndryshojmë rregullat që nuk plotësojnë dëshirat dhe
interesat tona si një familje, shkollë dhe shoqëri.
107