Edukata shoqërore 3 - Albas

Libër mësuesi për tekstin “Edukata shoqërore 3”
Tema 3. Rregullat në klasë
Objektivat: Në fund të orës së mësimit nxënësi duhet të jetë i aftë:
• Të lexojë rregulloren e klasës së tij/saj dhe të zbatojë rregullat e shkruara në të.
• Të argumentojë pse duhen zbatuar rregullat në mjediset e klasës dhe të shkollës.
• Të shtojë rregulla të reja në rregulloren e klasës së tij/saj.
Fjalë kyç:
Mjetet:
rregull, rregullore e brendshme.
teksti, rregullorja e klasës.
Aftësitë: të diskutuarit, të shkruarit.
Struktura PNP Metoda, teknika e veprimtari Koha
Parashikimi
Bashkëbisedim
Ndërtimi i njohurive
Plotësimi i rregullores dhe diskutim
Përforcimi
Shkrim i shpejtë
Zhvillimi i mësimit
Parashikimi: Bashkëbisedim
Mësuesi/ja u drejtohet nxënësve: Sot do të vendosim një rregullore të brendshme të klasës. Bashkëbisedohet
për çdo rregull me nxënësit dhe vendoset që t`i respektojnë dhe t`i zbatojnë ato.
- Çfarë është klasa për ju Pse duhet t’i zbatojmë rregullat në klasë
Përgjigje: klasa është vendi ku të gjithë nxënësit vijnë që të mësojnë dhe të edukohen. Ata janë tipa të
ndryshëm: njeri i urtë, tjetri çapkën, i pavëmendshëm etj., njëri mëson shumë tjetri më pak etj.
Nxënësit duhet t’u binden disa rregullave të vendosura nga shkolla dhe nga vetë nxënësit. Duke zbatuar të
gjithë nxënësit këto rregulla ka një bashkëpunim dhe mirëkuptim midis nxënësve e mësuesve të shkollës.
Ndërtimi i njohurive: Plotësimi i rregullores dhe diskutim
Mësuesi/ja i udhëzon nxënësit që të thonë nga një rregull për klasën.
Pas grumbullimit të rregullave plotësohet rregullorja e brendshme e klasës:
1. Të vijmë në orarin e caktuar në klasë.
2. Të mbajmë pastër klasën dhe shkollën.
3. Të hedhim mbeturinat në koshin e
mbeturinave.
4. Të respektojmë shokun apo shoqen e klasës
apo të shkollës.
5. Të respektojmë mësuesit tanë.
6. Të dëgjojmë me vëmendje mësuesen/in në orën
e mësimit.
7. Të mos flasim me zë të lartë.
8. Të përdorin fjalë të kulturuara.
9. Të ruajmë dhe të kujdesemi për objektet e klasës.
10. Të ruajmë dhe të mbajmë pastër librat tanë.
11. Të mos shkarravisim mbi bankë.
Pra, rregullorja e klasës plotësohet nga vetë nxënësit duke u ndihmuar nga mësuesi/ja.
- A ka ndonjë rregull që nuk ju pëlqen
- A ka ndonjë rregull që nuk e zbatoni dot
- Pse është e rëndësishme rregullorja e klasës
Të gjitha rregullat në klasë diskutohen dhe vendosen nga nxënësit në bashkëpunim me mësuesen/in.
Ata duhet të zbatohen me përpikëri nga vetë nxënësit dhe mësuesi/ja.
Përforcimi: Shkrim i shpejtë
Në figurën në faqen 19 të tekstit është paraqitur një nxënës që duhet të zbatojë disa rregulla. Shkruani në
fletoren tuaj këto rregulla.
Lexohen shkrimet e nxënësve.
106
Detyrat tona. Të zbatojmë praktikisht çdo ditë rregullat në klasë e në shkollë. Të kritikojmë
dhe edukojmë shokun ose shoqen e klasës që nuk i zbaton rregullat si në
klasë dhe në shkollë.