Edukata shoqërore 3 - Albas

Libër mësuesi për tekstin “Edukata shoqërore 3”
Tema 1. Shkolla, një familje e madhe
KAPITULLI III
RREGULLAT
Objektivat: Në fund të orës së mësimit nxënësi duhet të jetë i aftë:
• Të përshkruajë shkollën si vendi ku mësohet.
• Të shpjegojë rolin e shkollës për përgatitjen e njeriut për jetën.
• Të argumentojë rolin e shkollës në mbarëvajtjen e marrëdhënieve midis fëmijëve.
Fjalë kyç:
Mjetet:
shkollë, mësim, edukim, detyrë, përgjegjësi.
teksti, pamje nga shkolla.
Aftësitë: të përshkruarit, të treguarit, të argumentuarit.
Struktura PNP Metoda, teknika e veprimtari Koha
Parashikimi
Pyetja e ditës
Ndërtimi i njohurive
Lexim i drejtuar dhe diskutim
Përforcimi
Punë në grupe
Zhvillimi i mësimit
Parashikimi: Pyetja e ditës
Në tabelë shkruhet pyetja dhe nxënësit japin përgjigjet e tyre rreth pyetjes.
- Ç’është shkolla
Nga komenti i figurave të tekstit në faqen 14 mësojmë:
1. Shkolla është vendi ku njeriu mëson dhe edukohet.
2. Shkolla përgatit njeriun për jetën. Fëmija në fillim mëson në shkollën 9-vjeçare, pastaj në të mesmen
dhe më pas në shkollën e lartë (universitet).
3. Shkolla është si një familje e madhe, ku të gjithë duhet të njohin dhe të zbatojnë detyrat dhe përgjegjësitë
e tyre. Fëmijët mirëkuptohen mes tyre në shkollë nëpërmjet rregullave. Këto rregulla duhet të njihen e
zbatohen nga mësuesit e nxënësit.
Ndërtimi i njohurive: Lexim i drejtuar dhe diskutim
Mësuesi/ja ngre një nxënës që të lexojë situatën problemore të dhënë në tekst. Një nxënës tjetër çohet
dhe thotë me fjalët e tij këtë situatë.
Arbri është nxënës në klasën e tretë, ka rezultate të shkëlqyera, por nuk i mban me kujdes
librat dhe materialet e punës. Librat e tij janë plot shënime, shkarravina, të grisura etj.
Mësuesi/ja u drejton nxënësve pyetjet:
- A mund ta vlerësojmë Arbrin si nxënës të shkëlqyer
- A kemi ne në klasë nxënës të tillë
- Si duhet ta mësojmë e ta edukojmë shokun (apo shoqen) që të jetë i kujdesshëm
Si në familje edhe në shkollë duhet të njohësh dhe të zbatosh disa rregulla.
104
Përforcimi: Punë në grupe
Mësuesi/ja e ndan klasën në tri grupe. Secilit grup u drejton nga një pyetje:
o Grupi i parë - kur quhet një klasë e zhurmshme
o Grupi i dytë - kur quhet një klasë e qetë
o Grupi i tretë - si do të vepronit ju që klasa të ishte e qetë
Detyrë shtëpie. Shkruani disa rregulla që duhet të zbatojë nxënësi
në klasë dhe në shkollë.