Ingles bilang Pangalawang Wika Ingles bilang Pangalawang Wika

SCHOOL DISTRICT No. 38
(RICHMOND)
SCHOOL DISTRICT No. 38
(RICHMOND)
VAN.SALADMASTER@
TELUS.NET
Ingles
bilang
Pangalawang
Wika
www.sd38.bc.ca
www.sd38.bc.ca revised February 2009

Ano ang ESL (Ingles bilang Pangalawang Wika)
ESL (English as a Second Language) o Ingles bilang Pangalawang Wika ay isang
serbisyo sa lahat ng paaralan ng Richmond upang matulungan ang mga
estudyanteng nag-aaral ng Ingles bilang pangalawa o karagdagang wika tungo sa
pag-unlad at mabisang pag-aaral sa loob ng klase.
Sa Richmond, karamihan ng mga bagong dating na estudyante ay
nangangailangan ng karagdagang tulong sa Ingles. Kadalasan ay tatlo hanggang
limang taon ng Imersiyon sa Ingles ang kailangan bago maging matatas ang mga
ito sa pagsasalita ng wikang Ingles. Ang pagiging matatas sa pagsasalita ng
kanilang unang wika ay nagbibigay ng malaking kaibhan at kahusayan sa
pag-aaral ng Ingles. Ang suporta ng ESL ay ipinagkakaloob ng mga espesyalista
sa ESL o mga guro na nakatalaga sa mga paaralan ng distrito batay sa
mga pangangailangan ng estudyante. Nagtatrabaho sila katulong ng
mga guro sa loob ng klase upang matulungan ang mga
batang nangangailangan ng suporta upang sila’y maging matatas
ang pagsasalita ng wikang Ingles, magkaroon ng kaalaman ng
kultura, at makabuo ng mga paraan sa pagtuklas ng
karunungan na makatutulong sa kanilang matagumpay na
pag-aaral ng regular na kurikulum sa paaralan.
Sa baytang ng Elementarya, ang mga estudyante ay
nakatala sa regular o karaniwang klase at tumatanggap ng
patuloy na suporta ayon sa pangangailangan ng bawa’t isa,
gayundin ang patuloy na tulong mula sa guro sa loob ng klase. Ang
magkasamang tulong mula sa espesyalista ng ESL at ng guro ng
estudyante sa loob ng klase ay mahalaga sa programang ito. Sa
baytang na Secondarya, ang mga estudyante ay itinatakda sa mga
nakatalagang klase ng ESL bilang bahagi ng kanilang programa. Ang
mga estudyante ng ESL ay maaaring kumuha ng mga kursong ibinibigay
ng paaralan, ayon sa kanilang kahusayan sa pagtupad ng
pangangailangan ng mga kursong ito.
Mga Baytang o Antas (Level) ng ESL
Ang mga estudyante ng ESL ay sinusubukan taun-taon ayon sa
karaniwang pamamaraan ng distrito upang malaman ang antas ng
kanilang kahusayan. Ang impormasyong ito ay mahalaga sa pagtantiya ng
aming mga programa at sapat na pagtatalaga ng mga kaparaanan
(resources).
Ang mga antas ng kahusayan ay:
Antas 1 - Baguhan
Antas 2 - Nangungunang Baguhan (Advanced Beginner)
Antas 3 - Bumubuti
Antas 4 - Lumalago
Antas 5 - Malapit nang maging Matatas o Mahusay
Mga Karagdagang Serbisyo sa Pagsuporta sa Estudyante
Ang mga estudyante sa sistema ng paaralan ay maaaring magkaroon ng
malawak na serbisyo ukol sa karunungan. Ang bawa’t isang paaralan ay
mayroong samahang nagsasaalang-alang ng anumang dagdag na suportang
kailangan lampas sa mga pagtulong na ibinibigay ng mga guro sa loob ng klase
at espesyalista ng ESL.
Mga Tuntunin ng Paaralan
Ang Pampaaralang Distrito ng Richmond ay mayroong mga nakatakdang tuntunin
kabilang ang kodigo ng pag-uugali at mga inaasahang pag-iwas sa masamang
pakikitungo sa kapuwa (anti-racism expectations) upang matiyak na ang mga
paaralan ay ligtas, maayos, at mapagkalingang mga lugar. Bawa’t isang paaralan
ay mayroong Kapulungan ng mga Tagapayong mga Magulang o “Parent Advisory
Council” (PAC). Lahat ng mga magulang o mga tagapag-alagang may mga anak
na nakarehistro sa paaralan ay hinihimok na sumapi at magkaroon ng
pagkakataong lumahok sa PAC.
Mga Mangagawa sa mga Paaralan ukol sa Paninirahan (Settlement
Workers In Schools)
Upang matulungan ang bagong dating na mga estudyante at ang kanilang
bagong dating na mga pamilya na maging maayos ang paninirahan sa
kanilang paaralan at komunidad, ang Pagkamamamayan at Imigrasyon ng
Canada (Citizenship and Immigration Canada) at ang Ministeryo ng
Edukasyon (Minister of Education) ay nagsagawa ng programang
nakatalaga sa mga paaralan na tinawag na “Settlement Workers in Schools”
(SWIS). Sa Richmond, bawa’t paaralan ay mayroong nakatalagang Swis na
makatutulong habang kayo’y bago pa lamang sa bansang ito.
http://public.sd38.bc.ca/SWIS/
Mga Tagapagsalin ng Kultura (Cultural Interpreters)
Ang mga Tagapagsalin ng Kultura ng Distrito ay nagkakaloob ng mga serbisyo sa
pagpapaliwanag at pagsasalin ng iba’t ibang wika na nagpapakilala ng
magkakaibang lahi sa Richmond.
ESL para sa mga May Sapat na Gulang (Adult)
Ang mga may sapat na gulang na naghahangad mag-aral ng Ingles bilang
pangalawang Wika ay dapat makipag-ugnayan sa Departamento ng Patuloy na
Pag-aaral (Continuing Education) ng Pampaaralang Distrito ng Richmond ukol
sa mga kursong ipinagkakaloob. Ang mga klase ng ELSA buhat sa “Continuing
Education” ay libre para sa mga dayuhang hindi sapat ang karunungan sa wikang
Ingles.
Mahalagang mga Numero ng Telepono
Richmond School Board Office 604-668-6000
Settlement Workers In Schools (SWIS) 604-668-6596
Enquiries regarding ESL services for children 604-718-4011
Continuing Education (including Adult ESL) 604-668-6111
Richmond Information & Volunteer Society 604-278-5244
Richmond Multicultural Concerns Society 604-278-6902
SUCCESS (Chinese Immigrant Services) 604-273-9878
Vancouver Coastal Health 604-233-3150