Raporti Vjetor i Përformancës 2009 - WWRO

Raporti vjetor i performancës për ofruesit e shërbimeve të ujit dhe mbeturinave 2009
13. KOMISIONET KËSHILLUESE TË KONSUMATORËVE
Një ndër funksionet dhe përgjegjësitë më të rëndësishme të ZRRUM-it është edhe
mbrojtja e qëndrueshme e interesave të konsumatorëve, duke u përkujdesur që
shërbimet që atyre iu ofrohen nga kompanitë e licencuara të jenë në nivelin e
standardeve të përcaktuara, dhe se ata kanë në dispozicion mekanizma efektiv për
adresimin e ankesave dhe pakënaqësive të tyre.
Me qëllim të realizimit të drejtave dhe të mbrojtjes së interesave të konsumatorëve,
në përputhje me legjislacionin ne fuqi, përkatësisht me Nenin 6.1 të Rregullës për
Komisionin Këshillues të Konsumatorëve për Shërbimet e Ujit dhe Mbeturinave në
Kosovë (ZRRUM-R-08/ W & S W ) është paraparë formimi i komisioneve
këshilluese të konsumatorëve (KKK) si dhe janë përcaktuar modalitetet dhe
funksionimi i këtyre komisioneve. Në harmoni me këto dispozita, ZRRUM-i në fund
të vitit 2005 pas shqyrtimit të propozimeve nga Kuvendet Komunale, ka bërë
themelimin e Komisioneve Këshilluese të Konsumatorëve në 7 regjione të Kosovës
sipas Planit për Konsolidimin e Ofruesve të Shërbimeve të Ujit dhe Mbeturinave.
Secila komunë brenda regjionit të përcaktuar i ka dy përfaqësues në Komisionet
respektive. Numri i përgjithshëm i anëtarëve të KKK është 52.
Roli dhe përgjegjësitë e KKK konsistojnë në:
(i) Zgjidhjen e ankesave të parashtruara nga konsumatorët të cilat nuk janë
trajtuar dhe zgjidhur nga ofruesit e shërbimeve në mënyrë të drejtë për
Konsumatorin,
(ii) Me kërkesë të Rregullatorit drejton sondazhe, studime dhe anketime
lidhur me standardet e shërbimeve, dhe
(iii) Ofron këshilla për Rregullatorin lidhur me tarifat e shërbimeve.
Komisionet Këshilluese të Konsumatorëve janë takuar në mënyrë të rregullt në baza
mujore dhe gjerë më tani janë mbajtur gjithsejtë 371 takime në cilat janë shqyrtuar
çështje shumë të rëndësishme sikurse janë, shqyrtimi i ankesave të konsumatorëve,
dhe aspekte të ndryshme si, propozimi i tarifave, harmonizimi i akteve normative me
ligjin, etj.
Nga të gjitha takimet e mbajtura deri në fund të vitit 2009, janë shqyrtuar mbi 179
ankesa të parashtruara nga konsumatorët, prej të cilave 59 janë zgjidhur ndërsa të
tjerat janë kthyer tek kompanitë për rishqyrtim të mëtejshëm.
KKK në regjionin e Gjakovës dhe Prishtinës kanë qenë më aktivet dhe nga totali i të
gjitha ankesave drejtuar KKK ku rreth 95% për vitin 2008 dhe 81% për vitin 2009
janë nga këto dy regjione.
Nga totali i ankesave të parashtruar në KKK në vitin 2008 janë zgjedhur 71% ndërsa
në vitin 2009 rreth 61%.
Natyra e Ankesave të parashtruar kryesisht kanë të bëjnë me kërkesat për
zbritjen/shlyerjen e borxheve, faturimin paushallë si dhe në tarifa të larta.
Zyra Rregullatore për Ujësjellës dhe Mbeturina 81