Raporti Vjetor i Përformancës 2009 - WWRO

Raporti vjetor i performancës për ofruesit e shërbimeve të ujit dhe mbeturinave 2009
11. PERFORMANCA KRAHASUESE E KOMPANIVE
RAJONALE TË MBETURINAVE
Për të mundësuar një krahasim kuptimplotë, për kompanitë publike të shërbimeve të
mbeturinave janë paraqitur të dhëna në tabela dhe grafe të shoqëruara edhe me
analizë tekstuale për 9 tregues prej të cilëve 6 paraqesin treguesit kyç të
performancës, përmes të cilëve është bërë edhe vlerësimi dhe rangimi i kompanive
për performancën më të mirë në vitin 2009, si dhe për progresin më të madh të
shënuar në vitin 2009 krahasuar me vitin 2008.
Treguesit kyç të performancës për sektorin e mbeturinave janë:
• Shkalla e arkëtimit
• Norma e mbulimit të punës
• Ankesat e konsumatorëve
• Kostoja për njësi
• Efikasiteti i stafit
• Rritja e numrit të konsumatorëve
Përshkrimi i treguesve është bërë duke i grupuar në katër kategori
• Treguesit opertaiv
• Treguesit e nivelit të shërbimit
• Treguesit financiar
• Treguesit e efikasitetit të stafit
11.1 Treguesit opertaiv
11.1.1 Mbulueshmëria me shërbime të mbeturinave
Definicioni: Popullsia që ka qasje në shërbimet e grumbullimit të mbeturinave në
raport me popullsinë e regjistruar në regjionin e mbuluar, shprehur si përqindje.
Në vitin 2009 në mungesë të statistikave të sakta në lidhje me regjistrimin e
popullatës në Kosovë, ZRRUM ka shfrytëzuar të dhënat nga Enti i Statistikave të
Kosovës (ESK) për të përfituar në mënyrë të tërthortë, të dhënat në lidhje me numrin
e popullatës që jeton në regjionet ku ofrohen shërbimet e grumbullimit të
mbeturinave. Ndërsa, të dhënat për popullatën e shërbyer nga KRM, janë fituar
përmes shumëzimit të numrit të faturave të lëshuara për kategorinë e konsumatorëve
shtëpiak me koficientin e marrë nga ESK të numrit të anëtarëve në një ekonomi
familjare për regjionet përkatëse.
Zyra Rregullatore për Ujësjellës dhe Mbeturina 69