Raporti Vjetor i Përformancës 2009 - WWRO

Raporti vjetor i performancës për ofruesit e shërbimeve të ujit dhe mbeturinave 2009
Në vitin 2009 shkalla aktuale e arkëtimit për faturat e ujit dhe ujërave të zeza si
mesatare e sektorit është 63% e cila shënon një rënie nga viti 2008 për 2%.
Shkallën më të lartë të arkëtimit për vitin 2009 e ka shënuar Radoniqi megjithat
krahasuar me vitin 2008 ka shënuar rënie për 2%, ndërsa shkallën më të ultë e ka
Mitrovica me 51%. Përveç Bifurkacionit e cila në vitin 2009 ka pasur një rritje të
shkallës së arkëtimit prej 4% të gjitha kompanitë tjera kanë shënuar trend negativ në
këtë tregues.
Të gjitha KRU kanë dështuar në përmbushjen e objektivit të përcatuar në vitin 2009
për shumën e Faturimit, ndërsa sektori ka arritur vetëm 83% të objektivit. Kështu
vetëm Hidroregjioni Jugor ka arritur objektivin e tij të arkëtimit (në terma absolute,
Euro), dhe ka tejkaluar objektivin e tij për 1%. Në përgjithësi, arkëtimi ka arritur
vetëm 76.4% të objektivit, duke përfaqësuar 62.7% të faturimit në vend të 69.7%.
Shkalla e arkëtimit mund të ngritet në mënyrë të ndjeshme nëse kompanitë i marrin
disa masa të brendshme organizative duke filluar nga krijimi i një faturimi efektiv e
deri tek nxitja e konsumatorëve për të paguar përmes, riprogramimit të borxheve,
zbatimit të procedurave ligjore (paditja me kohë në gjykata), masave teknike
(zbatimi i ndërprerjeve respektivisht shkyçjeve të furnizimit me ujë, redukimet e
presionit të ujit, vendosja e shërbimeve me parapagim përmes kartave të
parapaguara, etj).
5.3.2 Shpenzimet operative për njësi(€/m 3 )
Definicioni: Kostoja operative për prodhimin e një m 3 ujë të trajtuar
Ky tregues në masë të madhe ndikohet nga disa faktorë të brendëshëm të kompanisë,
sikurse janë, disponimi me burime të ujit, lloji i sistemit të përdorur për furnizim me
ujë, shkalla e trajtimit të ujit, etj.
Në parim, kompanitë më të mëdha do të duhet të ishin në gjendje të sigurojnë
shfrytëzim më racional të kapaciteteve prodhuese dhe të personelit dhe si rrjedhim
kostoja për njësi të prodhimit (1m 3 ujë) për kompanitë e mëdha do të duhej të ishte
më e ulët se te kompanitë e vogla. Ky parim ka qenë në favor të rajonalizimit të
kompanive në Kosovë, duke krijuar kompani më të mëdha të cilat do të kishin dobi
nga shfrytëzimi i ekonomis së shkallës.
Zyra Rregullatore për Ujësjellës dhe Mbeturina 47