Raporti Vjetor i Përformancës 2009 - WWRO

Raporti vjetor i performancës për ofruesit e shërbimeve të ujit dhe mbeturinave 2009
Në pajtim me Kornizën Ligjore ZRRUM-i në vitin 2009 ka licencuar 15 kompani
publike që ofrojnë shërbimet e ujësjellsit dhe kanalizimit, shërbimet e furnizimit të
ujit me shumicë dhe shërbimet e grumbullimit të mbeturinave.Validiteti i licencës së
kompanive të ujësjellsit është për një periudhë tri vjeçare, ndërsa te kompanitë që
ofrojnë shërbime të mbeturinave licenca është valide deri në nëntor të vitit 2010.
Nga fillimi i vitit 2009, ka filluar aplikimi i tarifave të reja të cilat për shërbime të
ujit janë valide për një periudhë trevjeçare përderisa të shërbimet e mbeturinave për
një periudhë njëvjeçare e të cilat kanë rezultuar me një ngritje në krahasim me tarifat
e mëparshme. Kjo ngritje e tarifave është vlersuar si veprim i domosdoshëm për ti
mundësuar kompanive gjenerimin e të hyrave të nevojshme për mbulimin e kostove
të tyre dhe ngritjen e cilësisë së shërbimeve ndaj konsumatorëve, por kjo nuk do të
thotë se gjatë kësaj periudhe nuk do të ketë rishikim të tarifave.
Emërimi im si drejtor i ZRRUM-it, nga Kuvendi i Republikës së Kosovës në prill të
vitit 2010, më bënë të pasqyroj komente të njëjta mbi perfomancën për vitin 2009,
sikurse edhe vitet e mëparshme.
Dua të potencoj se është zhgënjyese për të raportuar se performanca në pjesën më të
madhe të treguesve për kompanitë e ujit dhe mbeturinave në përgjithësi është
përkeqësuar gjatë vitit 2009, krahasuar me vitin 2008. Arsyet për një gjendje të
këtillë mund të jenë komplekse dhe të njëjtat do të shqyrtohen fuqishëm në muajt e
ardhshëm me të gjithë akterët e involvuar në sektorin e ujit dhe mbeturinave.
Është përgjegjësi e imja dhe stafit të ZRRUM-it, por edhe institucioneve të tjera që ti
zbatojnë plotësisht rekomandimet e Kuvendit të Republikës së Kosovës, me rastin e
miratimit të Raportit të Punës të ZRRUM-it për vitin 2009, në seancën plenare në
Korrik të vitit 2010, rekomandime që janë të specifikuara dhe të cilat janë paraqitur
në pjesn E të këtij raporti. Këto rekomandime ofrojnë një përmbledhje të qartë të
prioriteteve për ZRRUM-in, Kompantë dhe Institucionet e tjera për të ndihmuar
ofruesit e shërbimeve të ujit dhe mbeturinave për një performancë më të mirë për
periudhën vijuese.
Si në raportet e mëparshme ashtu edhe me këtë rast, në mungesë të konkurencës së
tregut për shërbimet e ujësjellësit dhe mbeturinave, kemi krahasuar performancën
relative të kompanive duke u bazuar në treguesit kyç të performancës ku si rezultat i
këtij krahasimi është bërë edhe rangimi i tyre.
Unë jam i kënaqur të konfirmoj se KRU ‘Prishtina’ është vlerësuar si kompania me
performancën më të mirë në vitin 2009 ndërsa KRU ‘Bifurkacioni’ është shpallur
kompania me përmisimet më të dukshme të performancës gjatë vitit 2009 krahasuar
me vitin 2008. Sa i përket sektorit të grumbullimit të mbeturinave KRM
‘Pastrimi’është vlerësuar si kompania me performancën më të mirë për vitin 2009
dhe KRM ‘Uniteti’ është vlersuar kompania me përmisimet më të dukshme të
performancës gjatë vitit 2009.
Zyra Rregullatore për Ujësjellës dhe Mbeturina 3