Raporti Vjetor i Përformancës 2009 - WWRO

Raporti vjetor i performancës për ofruesit e shërbimeve të ujit dhe mbeturinave 2009
Popullata e pëgjithshme e Kosovës vlerësohet të jetë 2,104,540 4 , prej të cilëve
2,001,908, banorë vlerësohet se jetojnë në zonat e shërbimit ku veprojnë ofruesit e
shërbimeve, prej të cilëve 1,311,648 banorë kanë qasje në shërbime të ujësjellësit
dhe 969,194 banorë në shërbime të kanalizimit.
Monitorimi përfshinë 7 (shtatë) KRU të cilat ofrojnë shërbime në 26 komuna të
Kosovës përmes njësive operative. Mbulueshmëria me shërbime të ujit nga
Kompanitë rajonale është 66%, ndërsa me shërbime të kanalizimit rreth 48%,
Megjithatë, 34% e popullsisë ende nuk kanë qasje në shërbime të ujësjellësit të
ofruara nga kompanitë publike dhe 52% nuk kanë shërbime të kanalizimit. Akces i
ulët në kanalizime dhe trajtim të ujërave të zeza, krahasuar me progresin e arritur në
furnizimin me ujë, është një zonë me interes për investime.
Në vitin 2009 janë prodhuar 133,089,834m 3 , ujë të pijshëm i cili është distribuar tek
konsumatorët dhe nga tërë uji i prodhuar 77,192,101m 3 , janë humbur dhe
keqpërdorur që d.m.th uji i cili nuk sjellë të ardhura për kompaninë përderisa mbi
8,491,131€ janë shpenzime në emër të ujit të pafaturuar.
Edhe më tej rreth 20% e konsumatorëve nuk janë të pajisur me ujëmatës dhe se
faturimi i tyre bëhet në mënyrë paushalle ndërsa nëse merret në konsideratë se një
numër i caktuar i ujëmatësve janë jo funksional (fakt i dalur edhe nga inspektimi 5 i
ndërmarrë nga ZRRUM-i), del se proporcioni i konsumatorëve të cilët nuk janë
pajisur me ujëmatës funksional është edhe më i lartë se 20%.
Shkalla e arkëtimit prej 63%, ka kushtëzuar që norma e mbulimit të punës të jetë
0,97 duke i lënë kompanitë nën kufirin e mbulimit të shpenzimeve operative dhe të
pa afta financiarisht për të bërë investime në zëvendësimin apo rritjen e aseteve.
Shumat mesatare të akumuluara nga konsumatorët për shërbimet e ofruar për
kompani në vitin 2009 janë 10,235,076€ ndërsa obligimet e akumuluara ndaj
kreditorëve janë 2,377,104€.
Numri i punëtorëve të punësuar në Kompanitë rajonale është 1,536 dhe ka tendencë të
rritjes krahasuar me vitin 2008 për 0.7 %, megjithëse efikasiteti i stafit ka trend të lehtë
pozitiv por norma e tij prej 6.7 mbetet ende e lartë.
4 Kjo shifër është marrë nga një analizë e ESK -Analiza e statistikave vitale të Kosovës për periudhën
më të re.
5 Inspektimi i leximit të ujëmatësve individual në zonën e shërbimit të KRU, Hidromorava,
Bifurkacioni, Prishtina dhe Mitrovica.
Zyra Rregullatore për Ujësjellës dhe Mbeturina 18