Raporti Vjetor i Përformancës 2009 - WWRO

Raporti vjetor i performancës për ofruesit e shërbimeve të ujit dhe mbeturinave 2009
3. ZHVILLIMET NË SEKTORËT E UJIT DHE TË
MBETURINAVE
3.1 Zhvillime të përgjithshme
Në Kosovë sistemi i furnizimit me ujë të pijshëm, shërbime të kanalizimit, dhe të
furnizimit të ujit me shumicë është sistem publik.
Kompanitë publike të cilat veprojnë në këtë sektorë i janë nënshtruar reformave të
brendshme (procesi i konsolidimit dhe ristrukturimi është përfunduar në vitin 2006)
me qëllim të shkrirjes dhe bashkëpunimit më të ngushtë të tyre, ku nga një numër i
njësive të vogla operative u krijuan shtatë kompani rajonale të ujësjellësit dhe
kanalizimit. Aktualisht kompanitë rajonale ofrojnë shërbimet e tyre në 27 komuna të
Kosovës në bazë të marrëveshjeve për shërbime të nënshkruar nga komunat
respektive. Ato kanë statusin e shoqërive aksionare, pronare e të cilave është
Republika e Kosovës 1 përveç KRU Bifurkacioni 2 (ku pronare janë komunat Ferizaj
dhe Kaçanik), në përputhje me Ligjin, Nr. 03/L-087 për Ndërmarrjet Publike.
Në kuadër të reformave të mëhershme në sektorin e ujit dhe të mbeturinave është
instaluar korniza rregullatore dhe në bazë të ligjit Nr. 03/L-86 të aprovuar nga
Kuvendi i Kosovës më 13 qershor 2008, ZRRUM është përgjegjës për rregullimin e
ndërmarrjeve publike që ofrojnë shërbime të ujësjellësit, kanalizimit, mbledhjes së
mbeturinave dhe deponimit të mbeturinave, në konteste të përcaktimit të tarifave të
shërbimeve, lëshimin e licencave për ofruesit e shërbimeve, përcaktimi dhe
mbikëqyrja e standardeve te shërbimit, monitorimin dhe raportimin e performancës
së ofruesve të shërbimeve, themelimin dhe përkrahjen e KKK, si dhe miratimin e
kushteve për faljen e borxheve të vjetra.
Në Kosovë ka një numër të ujësjellësve rural të ndërtuar nga organizatat donatore
dhe komunitetet, të cilat nuk janë në menaxhimin e kompanive qendrore e të cilat në
të shumtën e rasteve mirëmbahen nga komunitetet. Më qëllim që të menaxhohen në
përputhje me standardet minimale të shërbimeve ato duhet të inkorporohen në
ujësjellësit qendrorë.
Në Kosovë aktualisht nuk ka trajtim të ujërave të zeza, ato vetëm grumbullohen
përmes sistemit të kanalizimit dhe pa ndonjë trajtim të mëtejshëm derdhen në
lumenj.
Në bazë të ligjit për ndërmarrjet publike, Nr. 03/L-087, është formuar Njësia për
Politika dhe Monitorimin e Ndërmarrjeve Publike në kuadër të MEF me qëllim të
mbikqyrjes së afarizmit të NP.
1 Qeveria e Kosovës ka kompetencën për ushtrimin e të drejtave të aksionarit të Republikës së
Kosovës për Kompanitë Rajonale Qendrore.
2 Komisioni Komunal i Aksionarëve ushtron të drejtat e aksioneve të Komunave.
Zyra Rregullatore për Ujësjellës dhe Mbeturina 10