11 - 24 Korrik 2008 - Western Balkans Environment Programe

More documents

Recommendations

Info

6 Agrobiznesi 11 - 24 Korrik 2008 MEDIA PER AGROBIZNESIN ONITORIMI I SHTYPIT SHQIPTAR Media shqiptare gjatë kohëve të fundit ka intensifikuar vëmendjen ndaj bujqesise dhe agrobiznesit falë edhe një procesi të thellë transparence të ndërmarrë nga Keshilli i Agrobiznesit Shqiptar. Pasqyrimi i veprimtarive të Ministrise se Bujqesise Ushqimit dhe Mbrojtjes se Konsumatorit dhe KASH-it në përgjithësi, zë nje vend te konsiderueshem të faqeve ekonomike të gazetave dhe emisioneve informative në mediat elektronike, por KASH synon më tej. Të ndryshojë qëndrimin e medias ndaj argumenteve bujqesor dhe industrise agroushqimore. Duke lexuar mëposhte, ju mund të gjeni komentet e medias së shkruar rreth bujqesise dhe agroindustrise ne një paraqitje të përmbledhur dhe koherente të faqeve të gazetave shqiptare. Rritet prodhimi vendas, KASH kërkon grante për fermerët Drejtuesit e Këshillit të Agrobiznesit Shqiptar bëjnë të ditur se niveli i prodhimit vendas bujqësor është rritur dhe për pasojë, çmimet e fruta-perimeve kanë pësuar një rënie të lehtë. Sipas tyre, janë reshjet e bollshme këtë vit që kanë favorizuar rritjen e prodhimit bujqësor vendas. Për shkak të shtimit të prodhimit është vërejtur një rënie e çmimeve në tregjet me shumicë dhe pakicë. Por gjithsesi bëhet gjithmonë fjalë për një periudhë sezonale, pasi fermerët tanë nuk kanë mundësi për të përmbushur kërkesat e tregut me prodhime vendase gjatë gjithë vitit. Sipas ekspertëve, nevojiten 100 milionë euro grante për ta nxjerrë bujqësinë nga ngërçi. Vendi ynë mbetet i kërcënuar nga kriza globale e çmimeve për shkak të varësisë së madhe që kemi nga prodhimet e importit. Raporti i eksport-importit për produktet bujqësore është 1/7. Gjatë muajve të fundit Banka e Shqipërisë ka dhënë alarmin për ndërhyrje urgjente në sektorin e bujqësisë, me qëllim rritjen e prodhimit bujqësor. 7 Qershor 2008 Bujqësia, mbështetje vetëm bizneseve agroushqimore që kreditohen mbi 10 milionë lekë Fermerët shqiptarë kanë përfituar tashmë nga gjysma e fondit të vënë në dispozicion të tyre në formë granti nga Minstria e Bujqësisë, ndërkohë që kjo ministri ka përgatitur dhe skemën e subvencionit për kreditë që do të përfitojnë bizneset që merren me bujqësi. Nga gjithë ky projekt do përfitojnë vetëm 2500 fermerë dhe 35 biznese që operojnë në sektorin e bujqësisë. Për të përfituar nga granti i ministrisë bizneseve do t'u duhet të marrin kredi mbi 10 milionë lekë. Subvencioni i shpërndarë për fermerët deri tani është në sasinë 262 milionë lekë, fond ky që është pjesë e projektit "Rritja e Prodhimit Ushqimor 2KR".Zbatuesit e këtij projekti, kanë shpërndarë deri tani në shkallë vendi, 262 milionë lekë, ose 54% të fondit, që është përcaktuar nga buxheti i shtetit për skemën e subvensionimit të fermerëve që rrisin sipërfaqet e mbjellja me vreshta, pemëtore e ullishta. Zbatuesit e këtij projekti kanë deklaruar se skema për vreshtarinë, pemëtoret e ullishtat, vlerësohet si më e madhja e këtij projekti, me vlerë 500 milionë lekë. Ndërkohë grupi i punës pranë projektit, po vazhdon monitorimin dhe kontrollin në terren të projekteve që kanë zbatuar fermerët për shtimin e sipërfaqeve me këto kultura, në mënyrë që mos të ketë abuzime me subvencionet e dhëna fermerëve, për qëllim zhvillimin e aktivitetit të tyre dhe shtimin e prodhimit. Në këtë projekt kishin aplikuar 3000 fermerë, prej të cilëve kanë fituar 2500 vetë. Nga këto 430 projekte janë fituar në qarkun e Fierit, 400 në Korçë, 390 në Elbasan, 400 në qarkun e Beratit, etj. Financimi i fermerëve po kryhet përmes llogarive bankare, konform rregullave dhe të gjitha procedurave transparente e të kontrolluara, në mënyrë që të eliminohen abuzivitetet dhe burokracitë. Pjesa tjetër e mbetur e këtij subvencioni pritet të shpërndahet gjatë muajve në vazhdim ndërkohë që i gjithë projekti pritet të përfundojë në fund të këtij viti. 2 milionë lekë subvencion për çdo kredi Një pjesë tjetër e subvencionit të përcaktuar për këtë vit nga buxheti i shtetit për bujqësinë është dhe granti me të cilin do të shlyhen normat e interesit të kredive që do të përfitojnë bizneset që operojnë në sektorin bujqësor. Në këtë nismë janë vlerësuar nga Ministria e Bujqësisë 35 subjekte, fituese të subvencionit për normën bazë të kredisë që do të marrin për zbatimin e projekteve të tyre në sektorin e e bujqësisë. Subvencioni në formën e shlyerjes së normës së interesit të kredive biznesit është një risi, që synon nxitjen e zhvillimit të bizneseve në bujqësi, por edhe këtu nuk mund të përfitojë gjithkush, pasi marrja e kësaj kredie ka kushtet e veta nga e cila kanë përfituar vetëm bizenset e mëdha, të cilat kanë nevojë për shuma të mëdha investimesh. Nga kjo kredi do të përfitojnë kompanitë që grumbullojnë, ruajnë dhe përpunojnë produkte bujqësore dhe blegtorale, shoqëritë .... 5 Korrik 2008 Epidemia, bllokohen 45 tonë ushqime BERAT – Epidemia në Poliçan ka vënë në alarm Drejtorinë e Bujqësisë dhe të Ushqimit në Berat. Dje, kjo drejtori ka ndërmarrë një aksion duke bllokuar disa subjekte të tregtimit të produkteve të mishit dhe të qumështit. Rreth 45 tonë ushqime janë bllokuar, pasi gjatë kontrollit të ushtruar, ato kanë rezultuar se tregtohen jashtë standardeve higjienosanitare. Drejtoria e Bujqësisë dhe Ushqimit bëri të ditur se këtë aksion e kishte ndërmarrë për të parandaluar mundësitë e sëmundjeve të ndryshme infektive. Kështu, dje janë vënë në sitë të gjithë subjektet që prodhojnë nën produkte qumështi dhe mishi. “Gjatë kontrollit të ushtruar nëpër subjektet tregtare dhe ato prodhuese u bë bllokimi i një sasie të madhe nënproduktesh qumështi, si djathë i bardhë, kaçkavall, gjalpë, etj”, bënë të ditur specialistët e kësaj drejtorie, të cilët morën pjesë në këtë aksion. Ndërkaq, në sektorin e nën produkteve të mishit u bllokua një sasi e konsiderueshme mishi. 29 Qershor 2008 Bujqësia, investimet të orientuara drejt pemtarisë Ato pak subvencione të dhëna nga qeveria tashmë mbeteten të përqendruara vetëm në pemtari Pogradec-Rrethi i Pogradecit këtë vit i është kthyer punës si asnjë vit tjetër. Deklarat vjen nga drejtori i bujqësisë së rrethit Vasfi Dulellari dhe këtë fakt ai e ilustron me shifra konkrete .Rrethi i Pogradecit ka një sipërfaqe toke prej 17 mijë e 500 ha, nga e cila 8 600 ha tokë bujqësore dhe4 600 ha janë pemë frutore dhe pjesa tjetër vreshtari .Këtë vit është e vështirë që të gjesh një rrip toke të papunuar. Kështu fermerët pogradecarë jo vetëm që kanë punuar tokat e tyre por kanë marrë edhe toka me qera nga shteti. Qeveria thotë drejtori Vasfi Dulellari vërtet që e hoqi subvencionimin e naftës, por këtë vit në bazë të vendimit të Janarit 2007, po subvencionon pemëtarinë, vreshtarinë dhe blegtorinë. Specialisti i kësaj drejtorie Albert Mara thotë se gjatë këtij viti janë dhënë subvencionime për 18fermerë këto të shpërndara në komunën Buçimas, Cërravë , Dardhas,Proptisht,Trebinjë etj .Cdo fermeri i është dhënë 300 mijë lekë të reja për çdo ha. Fermerët kanë mbjellë këtë vit me shumicë grurë 2 400 ha si asnjë vit tjetër, misër dhe fasule. Projekti i subvencionimit të fermerëve në pemtari dhe vreshtari është më efektivi, pasi fermeri i merr lekët direkt në bankë brenda pesë ditësh duke i prerë rrugën abuzimit. Kjo është realizuar nëpërmjet projektit 2 KR thotë drejtuesi i këtij projekti Rruzhdi Ymetllari..E veçanta e këtij viti ka qënë edhe suvencionimi i pemtarisë duke subvencionuar rrjetin ujitës me pika (impiante ) duke dhënë rreth 300 mijë lekë të reja për çdo ha . Si do të ruhet prodhimi vendas Një problem kyç i cili iu krijon jo pak problemeve fermerëve mbetet vërshimi i frutave dhe perimeve maqedonase, të cilat në saj të teknologjisë dhe të një sistemi model ujitje i sjellin prodhimet e tyre me çmime shumë të ulta se sa kostoja e prodhimit të fermerit vendas .Specialisti Albert Mara sjell përvojën e vitit të kaluar, kur qeveria në pikun e sezonit iu rriti prodhimit të huaj referencat .Kështu p.sh tregëtarët shkonin e merrnin një kg mollë në Maqedoni me 10 lek të reja kg dhe në dogana çmimi trefishoj pas vendosjes së referencës.. Në këtë mënyrë tregëtarëve iu interesonte të merrnin prodhimin vendas. Fermerët e kërkojnë patjetër një mbrojtje nga shteti të prodhimit të tyre si me fruta po ashtu edhe me perime thotë fermeri nga Cërrava AqifKapaj. "Kjo është e vetmja mënyrë pasi në të kundërt malli do të na ngelet stok dhe gjithë djersa jonë do të shkojë dëm" shprehet Kapaj. . Ata që shkattëruan dy rezervuaret e Mujazës duhet të përgjigjen penalisht Është vërtet pardoksale që nga mungesa dhe indiferenca janë shaktërruar dy rezervuare të mëdhenjnë Mujazë të Mokrës së Sipërme ku secili rezervuar kishte nga 1 500 milion m3 ujë secili.Dy rezervuarët ishin ngritur në vitin 1984 dhe nëpërmjet tyre ujiteshin të gjithë fshatrat e Mokrës së Sipërme:... 17 Qershor 2008 Tregu, konsumojmë 4 miliardë dollarë ushqime Shifra është publikuar kohët e fundit nga Ministria e Bujqësisë, Ushqimit dhe Mbrojtjes së Konsumatorit, në raportin e saj, “Vjetari Statistikor 2007”. Konkretisht, vendi gjatë këtij viti ka importuar rreth 500 milionë dollarë ushqime, duke përfshirë dhe nënproduktet ushqimore. Ndërkohë, lidhur me konsumin, rreth 3,2 milionë shqiptarë kanë konsumuar plot 4 miliardë dollarë ushqime. “Viti 2007, ndonëse vit tejet i vështirë bujqësor për gjithë botën dhe Shqipërinë, për shkak edhe të thatësirës së tejzgjatur, në Shqipëri shënoi shtim të prodhimit bujqësor dhe për pasojë ulje çmimi për shumë produkte. Përjashto orizin, sheqerin, vajin e ndonjë produkt tjetër që nuk është prodhuar e nuk do të prodhohet kurrë në Shqipëri, shumica e produkteve të tjera kanë ulje çmimi për shkak të shtimit të prodhimit”, thuhet në raport. Për sa u përket çmimeve, thuhet se shtimi i prodhimit vendas ka ulur një pjesë të çmimeve të ushqimeve. Sipas ministrisë, prodhimi shqiptar është gjithnjë e më shumë në treg, përveç mallrave të importuara. Por, gjithsesi importi i grurit mbetet në shifra të larta. Vetëm 250 mijë tonë janë prodhuar në vend, ndërsa 315 mijë tonë kanë ardhur nga jashtë. Sipas specialistëve, më shumë se 80 për qind e nevojave për perime dhe produkte të tjera bujqësore plotësohen nga fermerët shqiptarë, madje edhe me çmime më të ulëta. 30 Qershor 2008 Fermerët i kanë kthyer sytë nga toka PROF. ASOC. DR. AGO NEZHA Me një audiencë prej më shumë se 600 pjesëmarrës, si rrallëherë takime të tilla me fermerë që punojnë drejtpërsëdrejti në sektorin e bujqësisë në Qarkun e Fierit, ministri Gjana u ndodh në një atmosferë emocionuese jo vetëm për nga pjesëmarrja, por nga koloriti i problemeve që u pozuan dhe dinamika e ndryshimeve që ka pësuar bujqësia këto vitet e fundit. Ai theksoi nevojën reciproke të takimeve direkte me njerëzit e punës. Fermerë apo biznesmenë qofshin ata, takimet janë tepër të dobishme, në marrëdhënie të ndërsjella për të njohur gjendjen dhe për të ndërhyrë për ta ndryshuar atë aty ku ekzistojnë mundësitë. Nga vizitat që ka realizuar ministri Gjana, me ekipe të gërshetuara sipas problematikave, në disa komuna e rrethe të vendit, si në Shkodër, Malësi e Madhe, Burrel, Vlorë, Sarandë e në Fier, vërejmë me kënaqësi se është rritur interesimi i pronarëve të tokave për ta vënë tokën nën kulturë, sipas interesave private që kanë fermerët. Duke eksploruar në thellësi zonat fushore, kodrinore dhe ato malore, rezulton se Qarku i Fierit është zona më intensive e bujqësisë së vendit, me prodhimtarinë më të lartë në fermat bujqësore. Rajoni i Fierit ka 1/5 e tokës bujqësore nën kulturë, ku ¼ e numrit të fermerëve janë të angazhuar në bujqësi, në zona fushore dhe kodrinore. Duke u ballafaquar me realitetin në bazë, ministri Gjana shpalosi bilancin e veprimtarisë së MBUMKsë: se çfarë është bërë mirë, çfarë nuk e është bërë, si duhet dhe çfarë është bërë keq në këta 3 vjet të qeverisjes demokratike. Bujqësia në Shqipëri këta vjet ka pësuar progres, por ka edhe shumë probleme e nevoja për t'u zgjidhur. Situata në tërësi ka ndryshuar dhe është përmirësuar në sensin pozitiv. Prodhohet dhe tregtohet më shumë prodhimi vendas në tregjet tona. Fushat janë të zëna me një mozaik kulturash bujqësore, sipas destinacionit që kanë përcaktuar vetë fermerët. Janë 420 000 ferma private, prej të cilave 360 000 e punojnë dhe shfrytëzojnë tokën në rrugë intensive. Konstatojmë se ka më shumë nevojë për informacion të saktë dhe koherent. Bujqësia ka parametra të konsiderueshëm në strukturën e prodhimit vendas dhe zë 20% të tij. Është pozitive dhe inkurajuese për zhvillimin e sektorit të bujqësisë me strukturën e sotme të popullsisë, ku 50% e saj jetojnë e punojnë në fshat. Kriza globale ka përfshirë edhe bujqësinë. Edhe vendet e zhvilluara kanë ndjeshmëri të spikatur, siç është rasti i Francës, ku Presidenti i saj, Sarkozi, deklaroi ... 29 Qershor 2008
11 - 24 Korrik 2008 Agrobiznesi 7 AKTUALITET Prodi: Durrësi, një qytet i rëndësishëm për zhvillimin turistik dhe ekonomik Ish Kryeministri Italian viziton qytetin e Durrësit Ish Kryeministri Italian Romano Prodi, i cili ndodhet në Shqipëri prej 6 ditësh, vizitoi sot qytetin bregdetar të Durrësit, ku u takua me drejtues të bashkisë së këtij qyteti. Kryetari i bashkisë, Vangjush Dako, falenderoi z. Prodi për kontributin që ka dhënë dhe vazhdon të japë në të mirë të vendit tonë. Më pas kryebashkiaku Dako e njohu z. Prodi me historinë e lashtë të qytetit si dhe resurset që ofron Durrësi në rrugën e zhvillimit të tij. Dako është ndalur veçanërisht në përmirësimin e infrastrukturës së qytetit, që i shërben turizmit. Kryebashkiaku ka nënvizuar rëndësinë që i është dhënë realizimit të projekteve sociale, si Qendra e të Moshuarve, hapja në Bashki e Zyrës për Barazinë Gjinore, dhe ajo e Qendrës për trajtimin e fëmijëve me probleme etj. “Në rrugën drejt Evropës për ne është shumë me vlerë eksperienca e vendeve të zhvilluara perëndimore, që e kanë kaluar prej kohësh këtë proces, tha Dako, duke shpre- hur bindjen se “Durrësi ka bërë hapa përpara dhe do të vazhdojmë me këto ritme, pasi qyteti ynë e meriton plotësisht të jetë një pararojë e zhvillimit në rrugën drejt integrimit të vendit në BE.” Ish-kryeministri i Italisë, Romano Prodi, u shpreh se kjo është një vizitë miqësore për të njohur sa më mirë Shqipërinë, “pasi më pëlqen Shqipëria dhe dua ta njoh atë sa më mirë. Kur vija më parë në vizita zyrtare kufizohesha vetëm me takime me zyrtarë në qeveri apo parlament, ndërkohë që këtë herë kam dëshirë të njihem me gjithçka në vendin tuaj”. Z. Prodi deklaroi se në këtë kuadër Durrësi paraqet një interes shumë të veçantë për të nga pikëpamja historike, pasi qyteti ynë lidhet me shumë ngjarje të vendit fqinj, Italisë, si dhe nga pikëpamja e zhvillimit: “Ju jeni një qytet shumë i rëndësishëm jo vetëm nga pikëpamja turistike. Durrësi ka portin më të madh të vendit dhe ai do të bëhet pjesë e investimeve për t’u kthyer në terminalin kryesor për rrugën e Lindjes. Tashmë që Shqipëria ka bërë hapa të mëdhenj përpara nevojitet që të shtohen sa më shumë investimet e huaja. Shqipëria punon për t’u futur sa më parë në BE, gjë që nuk është e lehtë, por nga ana tjetër është plotësisht e realizueshme nëse ekziston vullneti pozitiv çka vendi juaj e ka demostruar. Në këtë kuadër mesazhi im për shqiptarët është që të punohet sa më shumë për zhvillimin e Shqipërisë dhe se në të ardhmen ju nuk mund të jetoni me të ardhurat nga emigracioni, por mund të jetoni me të ardhurat nga rritja e ekonomisë shqiptare që është ajo që duhet bërë sa më shpejt.” Pas takimit në Bashkinë e Durrësit, ish- kryeministri italian, Romano Prodi, i shoqëruar nga kryebashkiaku Vangjush Dako, kanë ecur në këmbë në qytet dhe kanë vizituar amfiteatrin e Durrësit, muzeun arkeologjik dhe monumente të tjera historike të qytetit. FSHZH gati për zbatimin transparent të projektit të përmirësimit të rrugëve rurale Fondi Shqiptar i Zhvillimit, (FSHZH), Agjenci implementuese e Qeverise Shqiptare, në bashkëpunim me Bankën Botërore, organizuan të premten në Tiranë, nje takim me firmat e ndërtimit qe punojnë ne sektorin e ndërtimit te rrugëve, me qëllim njohjen e firmave te ndërtimit me projektin e “Rrugëve Dytësore dhe Lokale”. Në takim morrën pjese Drejtuesit Kryesor te FSHZH-së si edhe rreth 30 përfaqësues të firmave të ndërtimit, te cilat janë te interesuara te marrin pjese ne zbatimin e projekteve te rrugëve. Drejtori i FSHZH, Benet Beci në fjalën e mbajtur me këtë rast tha se “vitet e fundit FSHZH ka punuar shumë në drejtim të cilësisë se punimeve dhe transparencës për krijimin te ambientit për një konkurrence te barabarte. “Ne, jemi te bindur qe nëpërmjet këtij projekti, duke paraqitur cilësitë me te mira te fituara ne vite, se bashku me ju, do t’i japim vendit rruge rurale dhe rajonale me standarte dhe cilësi bashkëkohore”-tha Beci. Me pas u vazhdua me prezantimin e përgjithshëm te projektit, specifikimet teknike te rrugeve dhe procedurat e prokurimit. Takimi është pjese e një cikli konsultimesh qe po kryhen ne vazhdim me te gjithë aktoret dhe pjesëmarrësit ne këtë projekt, duke nisur nga Donatoret, Pushteti Vendor, Përfituesit etj. Nëpërmjet këtij takimi synohet gjithashtu rritja e transparencës dhe shtimi i shanseve për konkurrence te barabarte gjate procesit te prokurimit, me qellim garantimin e një produkti cilësor dhe sa me funksional për komunitetet qe do përfitojnë prej tij. Ky projekt ka si qellim përmirësimin e aksesit ne shërbimet baze dhe mundësitë e zhvillimit ekonomik për popullsinë rurale, përfituese ne zonat e rrugëve te rehabilituara. Projekti është parashikuar te përfshijë deri ne 1500 km rruge rajonale dhe lokale. Vlera totale e projektit parashikohet të jetë rreth 400 milion USD dhe ne projekt do te përfshihen një sërë donatorësh si Banka Botërore, Bashkimi Evropian, Banka Japoneze për Zhvillim Ndërkombëtar, Banka për Zhvillim e Këshillit të Evropës, Banka Evropiane për Rindërtim e Zhvillim, Banka Evropiane e Investimeve etj. Zbatimi është parashikuar te ketë një kohëzgjatje 5 vjeçare. Vetëm 2 dite me pare u nënshkrua marrëveshja e kredisë për këtë projekt ndërmjet Qeverise Shqiptare dhe Bankës Botërore, me shumën 20 milion USD. Vazhdon rritja e çmimit të naftës Çmimi i naftës në tregun botëror vazhdon të rritet dhe po reflektohet edhe në tregun shqiptar, ku çmimi i 1 litre diezel, po arrin 170 lekë. Luhatshmëria e çmimit të naftës gjatë këtyre muajve të fundit ka ardhur kryesisht nga diferencat midis kapaciteteve përpunuese dhe kërkesës dhe nga tensionet e rritura gjeopolitike. Kështu, ndërsa më parë ekzistonte një dallim i theksuar ndërmjet çmimit të naftës, që vinte kryesisht nga vendet e Lindjes së Mesme dhe të ish-Bashkimit Sovjetik, prej nga vendi ynë importon gati plotësisht naftën, tashmë të dyja çmimet janë pothuajse të njëjta. Nga ana tjetër, kjo rritje çmimi ka dhënë ndikimin e vet direkt duke u bërë burim i drejtpërdrejtë presionesh inflacioniste në dallim nga periudha e kaluar, kur për shkak të peshës së vogël që zinte ky mall në shportën e indeksit të çmimit të konsumit, ndikimi i tij reduktohej në efekte jo të drejtpërdrejta të karakterit sezonal. Në këto kushte, në çmimet e shërbimeve dhe të transportit, pavarësisht peshës së vogël që zë, nafta ka rritur mesatarisht me 0.5 pikë përqindjeje rritjen vjetore të kostos së jetesës këto muaj. Por gjithashtu, rritja e çmimit të naftës ka shtuar koston e produkteve të tjera. INSTAT: Në tre muaj, rritje të dukshme në fushat kryesore të zhvillimit të vendit Tremujori i parë i këtij viti shënoi rritje të dukshme në fushat kryesore të zhvillimit të vendit, krahasuar me të njëjtën periudhë të një viti më parë, sipas të dhënave që ofron Instituti i Statistikave (INSTAT). Në një njoftim të publikuar në faqen e Kryeministrisë bëhet e ditur se në këtë tre mujor të parë të vitit indekset e shifrës së afarizmit, pasqyrojnë rritje në degët e industrisë, ndërtimit, hotelerisë, tregtisë me shumicë, transportit dhe komunikacionit. Industria Shifra e afarizmit në Industri, në tremujorin e parë 2008, është rritur 3.7 për qind, krahasuar me tremujorin e parë 2007. Volumi i prodhimit industrial është rritur gjatë të njëjtës periudhë me 30.8 për qind, ndërsa numri i të punësuarve në industri me 10 për qind, krahasuar me tremujorin e parë të vitit 2007. Pagat në këtë sektor janë rritur me 24.9 për qind. Në Industrinë Nxjerrëse shifra e afarizmit, e vlerësuar me çmime fikse është rritur me 0.8 për qind në tremujorin e parë 2008 krahasuar me tremujorin e parë 2007. Numri i të punësuarve në sektorin e industrisë nxjerrëse në tremujorin e parë të këtij viti është rritur me 13.8 për qind krahasuar me tremujorin e parë të vitit 2007, ndërsa pagat janë rritur me 29.3 për qind gjatë të njejtës periudhë. Në Industrinë Përpunuese, shifra e afarizmit vlerësuar me çmime fikse, rritet me 1.4 për qind në tremujorin e parë 2008 krahasuar me të njëjtin tremujor të vitit 2007. Numri i të punësuarve në Industrinë Përpunuese është rritur 9.6 për qind në tremujorin e parë 2008 krahasuar me tremujorin e parë 2007, ndërsa pagat e paguara të të punësuarve janë rritur 28.2 për qind gjatë të njëjtës periudhë. Krahasuar me tremujorin paraardhës kjo rritje është respektivisht 13.2 për qind dhe 11.2 për qind. Në sektorin e Energjisë elektrike shifra e afarizmit vlerësuar me çmime fikse, është rritur 9.9 për qind në tremujorin e pare 2008 krahasuar me tremujorin e parë 2007, ndërsa krahasuar me tremujorin paraardhës është rritur me 25.3 për qind. Numri i të punësuarve në sektorin e energjisë elektrike dhe furnizimit me gaz, avull dhe ujë është rritur 10.0 për qind, ndërsa pagat janë rritur 14.8 për qind gjatë të njejtës periudhë. Ndërtimi Në sektorin e ndërtimit vihet re një rritje e të gjithë treguesve specifike si rezultat i kryerjes së punimeve për ndërtimin e rrugës Durrës-Kukës-Morinë. Shifra e afarizmit në ndërtim e vlerësuar me çmime fikse, është rritur me 40.7 për qind krahasuar me të njëjtin tremujor të vitit paraardhës. Rritja e shënuar në volumin e punimeve civile inxhinierike është 372.2 për qind krahasuar me tremujorin e parë të vitit 2007. Numri i të punësuarve në ndërtim është rritur me 30.5 për qind në tremujorin e parë 2008 krahasuar me tre mujorin e parë të vitit të kaluar, ndërsa pagat janë rritur me 71.5 për qind gjatë së njëjtës periudhë. Tregtia me shumicë Shifra e afarizmit e vlerësuar me çmime fikse në sektorin e tregtisë me shumicë është rritur me 31.8 për qind krahasuar me të njëjtin tremujor të vitit paraardhës, ndërsa krahasuar me tremujorin paraardhës ky ndryshim është 8.2 për qind. Numri i të punësuarve është rritur me 59.1 për qind në tremujorin e parë 2008 krahasuar me tremujorin e parë 2007, ndërsa pagat janë rritur 75.9 për qind gjatë të njëjtës periudhë. Hotele Treguesit ekonomike si shifra e afarizmit, të punësuar me pagesë dhe pagat në Hotele paraqiten me rritje të ndjeshme në tremujorin e parë 2008, kjo për arsye të rinovimit të metodologjisë së përcaktimit të modelit të zgjedhjes së ndërmarrjeve nga Regjistri i Ndërmarrjeve. Ndërsa në sektorin e shërbimeve, duke filluar nga tremujori i parë i këtij viti janë përfshirë dhe aktivitetet ekonomike si shërbime informatike dhe shërbime të arkitekturës dhe punimeve inxhinierike. Për këtë grup ndërmarrjesh janë marrë informacione statistikore per treguesit kryesore si shifra e afarizmit, të punësuar gjithsej e me pagesë dhe pagat. Transporti Shifra e afarizmit në vlerë në Transportin hekurudhor ka shënuar rritje 45.1 për qind, kryesisht në transportin e mallrave, në tremujorin e parë 2008 krahasuar me tremujorin e parë 2007. Krahasuar me tremujorin paraardhës kjo rritje është 2.6 për qind. Në Transportin detar, shifra e afarizmit është rritur ndjeshëm me 94.1 për qind krahasuar me tremujorin e parë 2007. Në Transportin ajror, ky tregues paraqitet me rënie të lehtë prej 1.5 për qind krahasuar me të njëjtën periudhë. Ndërsa krahasuar me tremujorin paraardhës rritet me 3.2 për qind. Në Agjensitë e udhëtimit, shifra e afarizmit në vlerë e vlerësuar me çmime korente, rritet me 22.5 për qind në tremujorin e parë 2008 krahasuar me tremujorin e parë 2007. Posta dhe Telekomunikacioni Shifra e afarizmit në vlerë në aktivitetin postar rriten ndjeshëm me 25.7 për qind në tremujorin e parë 2008 në krahasim me tremujorin e parë 2007, ndërsa në telekomunikacion rritja e këtij treguesi është 5.2 për qind për të njëjtën periudhë. Krahasuar me tremujorin parardhës ky tregues paraqitet me rënie 5.3 për qind në aktivitetin postar dhe 0.7 për qind në shërbimet e telekomunikacionit. Numri i të punësuarve si në aktivitetin postar dhe në atë të telekomunikacionit është rritur 7.0 për qind gjatë të njëjtës periudhë.
Page 1 and 2: Këshilli i Agrobiznesit Shqiptar A
Page 3 and 4: 11 - 24 Korrik 2008 Agrobiznesi 3 K
Page 5: 11 - 24 Korrik 2008 Agrobiznesi 5 I
Page 9 and 10: 11 - 24 Korrik 2008 Agrobiznesi 9 R
Page 11 and 12: 11 - 24 Korrik 2008 Agrobiznesi 11
Page 13 and 14: 11 - 24 Korrik 2008 Agrobiznesi 13
Page 15 and 16: 11 - 24 Korrik 2008 TURIZEM Vlorë:

11 - 24 Korrik 2008 - Western Balkans Environment Programe

You also want an ePaper? Increase the reach of your titles

Delete template?

Save as template?