You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Hacı <strong>Qara</strong>: Sizin qanınız çoxdan halaldır. Amma bu zamanadək tökən olmuyub, indi sizi əcəl<br />
çəkə-çəkə mənə düçar edibdir. Özgəyə quyu qazan özü düşər. Çox adamların evin yıxıbsınız.<br />
İndi cəzanıza yetişərsiniz! Yaraqlarınızı salın! Yoxsa, vallah, tüfəngi bu saatda ürəyinizin<br />
başına boşaldaram!<br />
Ermənilər başlayırlar qorxmağa.<br />
Mkrtıç: Ay qardaş, yer haqqı, göy haqqı, bizim yarağımız yoxdur! Axır bizim təqsirimiz<br />
nədir ki, sənin bizə belə qəzəbin tutur<br />
Hacı <strong>Qara</strong>: Sizin təqsiriniz nə yerə sığışar, nə göyə! Qurumsaq uşağı, başınıza sənət qəhət<br />
olubdur<br />
Mkrtıç: A canım, dünyada bizim sənətimizdən yaxşı sənət varmı Bizim peşəmiz olmasa,<br />
aləm çörək tapmaz.<br />
Hacı <strong>Qara</strong>: Bax, bax, cürətinə bax, sənətini tərif də edir! Qırışmal uşağı, xalq əzab çəksin,<br />
alın tərilə mal qazansın, siz müftə yerə sahiblik edin! Bu harda görünüb<br />
Mkrtıç: A qardaş, allahı sevirsən, bizi incitmə, qoy ötək, çıxaq gedək! Sənin işin zarafata<br />
bənzir.<br />
Hacı <strong>Qara</strong>: Vallah, əgər ayaq-ayaqdan tərpədibsiniz, cəmdəklərinizi yerdə sərilmiş bilin!<br />
Mənim sözlərimi zarafat sayırsınız Qərəziniz budur ki, mən sizin kimi sarsaqlara allanam,<br />
yaxın gəlib öz bildiyinizi edəsiniz Yaraqlarınızı tulluyun, deyirəm!<br />
Mkrtıç: Arakel, nə eyliyək<br />
Arakel: Vallah, mən özüm də mat qalmışam.<br />
Mkrtıç: Pərvərdigara, nə iş idi düşdük! A canım, irəli qoymursan ötək, bəs qoy geri qayıdıb,<br />
başqa yol tapıb gedək.<br />
Hacı <strong>Qara</strong>: Heç vaxt olmaz! Ayaq tərpədə bilməzsiniz. Fikriniz odur ki, gedib murova xəbər<br />
verəsiniz, özü gəlib mənim üstümə tökülə Allah qoysa, sizin ölüm xəbəriniz murova çatar!<br />
Bundan sonra qalan yoldaşlarınıza ibrət olar!<br />
Mkrtıç: A canım, sən bizi kim hesab edirsən ki, bu oyunu bizim başımıza gətirirsən<br />
Hacı <strong>Qara</strong>: Mən sizi hesab edirəm quldura, yol kəsənə, xalqın evin yıxana, zalimə,<br />
müftəxora, dar ağacına layiq olana!<br />
Mkrtıç: Bəs sən özün kimsən<br />
Hacı <strong>Qara</strong>: Məni siz özünüz yaxşı bilirsiniz. Bilməsəydiniz bu gecə vaxtı bu dərənin<br />
ortasında məni qabaqlardınızmı<br />
Mkrtıç: Vallah, biz özümuz də çox-çox peşmanıq ki, bu yol ilə gəldik, sənə düçar olduq. Biz<br />
heç səni tanımırıq və xəyalımızdan da keçməzdi ki, səni görəcəyik.<br />
Hacı <strong>Qara</strong>: Bu sözlər bir pula dəyməz! Axırıncı sözümdür: məni mətəl eləməyin! Tez olun,<br />
yaraqlarınızı salın!<br />
Mkrtıç: Arakel, nə çarə edək<br />
Arakel: Vallah, yarağımız yoxdur! Bu iki oraqdan başqa bizdə bir kəsər tapılmaz; istəyirsən<br />
tulluyaq, aha! (Oraqları qabağa tullayırlar.)<br />
Hacı <strong>Qara</strong>: Tüfənginizi, tapançanızı, qılıncınızı tulluyun, yoxsa od ələdim!<br />
Arakel: A kişi, sən necə adamsan Allah haqqı, peyğəmbər haqqı tüfəng, tapança yoxdur!<br />
Hacı <strong>Qara</strong>: İnanmanam, yalan deyirsiniz, gizliyibsiniz, tulluyun.<br />
Mkrtıç: Çünki inanmırsan, özün bil, hər nə eləyəcəksən, elə! Allah cəzanı versin!<br />
Hacı <strong>Qara</strong>: Belə bəs Görün nə eylərəm! (Başlarının üstündən tüfəngi atır. Eşşək ürkür.<br />
Arakel qorxusundan eşşəyin üstündən yumbalanır. Hacı <strong>Qara</strong> tapançanı çəkib buların üstünə<br />
yüyürür, çığırır:) Tərpənməyin!<br />
Biçarə ermənilərin biri yıxılmış, biri ayaq üstə.<br />
16