Marrëveshja CEFTA - Dogana e Kosovës

Neni 7
Fusha
Dispozitat e këtij kapitulli do të zbatohen për të gjitha produktet
industriale origjinuese tek palët. Për qellim kësaj marrëveshjeje, termi
„produkte industriale“ nënkupton produktet që përfshihen në kapitujt 25
deri 97 të NK, me përjashtim të produkteve të listuara në aneksin 1 të
kësaj marrëveshjeje.
Neni 8
Tarifat doganore mbi importet: Eliminimi
1. Palët do të eliminojnë të gjitha tarifat doganore për importet, të gjitha
detyrimet me efekt të njëjtë, dhe të gjitha tarifat e importit të një
natyre fiskale në tregtinë ndërmjet palëve në datën e hyrjes në fuqi të
kësaj marrëveshjeje, për të gjithë produktet të tjera nga ata që janë
objekt i koncesioneve bilaterale të listuara në aneksin 2.
2. Për produktet e listuara në aneksin 2 tarifat doganore për importet, të
gjitha detyrimet me efekt të njëjtë, dhe të gjitha tarifat e importit të
një natyre fiskale në tregtinë ndërmjet palëve do të reduktohen
gradualisht dhe do të eliminohen brenda një periudhe transitore që
përfundon më 31 dhjetor 2008, në përputhje me afatet e përcaktuara
në atë aneks.
KAPITULLI III
PRODUKTET BUJQËSORE
Neni 9
Fusha
Dispozitat e këtij kapitulli do të zbatohen për produktet bujqësore
origjinuese tek palët. Për qëllime të kësaj marrëveshjeje, termi “produkte
bujqësore” nënkupton produktet që përfshihen në kapitujt 1 deri 24 të NK
dhe të gjithë produktet e listuara në aneksin 1 të kësaj marrëveshjeje.
Neni 10
Tarifat doganore mbi importet
1. Tarifat doganore mbi importet, të gjitha detyrimet që kanë efekt të
njëjtë, dhe të gjitha tarifat e tjera të një natyre fiskale mbi produktet
e përcaktuara në aneksin 3 të kësaj marrëveshjeje do të reduktohen
ose do të eliminohen në përputhje me afatet e përcaktuara në atë
aneks.
9