Marrëveshja CEFTA - Dogana e Kosovës

afërt i plotë dhe të gjitha shifrat që kanë më shumë se 50 pas presjes
dhjetore rrumbullakosen tek numrin më i madh i afërt i plotë.
Neni 3
Kufizimet sasiore
1. Të gjitha kufizimet sasiore për importet dhe eksportet dhe masat që
kanë efekt të njëjtë do të shfuqizohen në tregtinë ndërmjet palëve në
datën e hyrjes në fuqi të kësaj marrëveshjeje.
2. Asnjë kufizim i ri sasior mbi importet dhe eksportet dhe masa që kanë
efekt të njëjtë me to nuk do të vendosen në tregtinë ndërmjet palëve
që nga data e hyrjes në fuqi të kësaj marrëveshjeje.
Neni 4
Tarifat doganore mbi eksportet
1. Palët do te eliminojnë të gjitha tarifat doganore për eksportet,
pagesat që kanë efekt të njëjtë, dhe tarifat e eksportit të një natyre
fiskale në tregtinë ndërmjet palëve, në datën e hyrjes në fuqi të kësaj
marrëveshjeje.
2. Asnjë tarifë e re doganore për eksportet, detyrime me efekt të njëjtë,
dhe tarifa eksporti të një natyre fiskale nuk do të vendoset në tregtinë
ndërmjet Palëve që nga data e hyrjes në fuqi të kësaj marrëveshjeje.
Neni 5
Tarifat doganore mbi importet: pezullimi
Asnjë tarifë e re doganore mbi importet, detyrime me efekt të njëjtë dhe
asnjë tarifë importi e një natyre fiskale nuk do të vendosen, dhe as ato që
zbatohen nuk do të rriten në tregtinë ndërmjet palëve që nga dita para
nënshkrimit të kësaj marrëveshjeje.
Neni 6
Pagesat doganore
Nga hyrja në fuqi e kësaj marrëveshjeje, palët do te eliminojnë pagesat
doganore në kundërshtim me nenin VIII-të të Marrëveshjes së
Përgjithshme mbi Tarifat dhe Tregtinë 1994 (këtu e me tutje referuar
“GATT”) në tregtinë e tyre reciproke dhe çdo detyrim tjetër të ngjashme.
KAPITULLI II
PRODUKTET INDUSTRIALE
8