Marrëveshja CEFTA - Dogana e Kosovës

e. Sigurojë kushte të drejta të konkurrencës që ndikojnë në tregtinë
dhe investimet e huaja dhe hapë gradualisht tregjet e prokurimit
publik të palëve;
f. Sigurojë mbrojtjen e përshtatshme të të drejtave të pronësisë
intelektuale në përputhje me standardet ndërkombëtare;
g. Sigurojë procedura efektive për zbatimin dhe aplikimin e kësaj
Marrëveshjeje, dhe
h. Kontribuojë kështu për zhvillimin e harmonizuar dhe zgjerimin e
tregtisë botërore.
KAPITULLI I
DETYRIME TË PËRGJITHSHME TË ZBATUESHME NË TREGTINË E TË
GJITHË MALLRAVE
Neni 2
Tarifat doganore bazë
1. Nomenklatura e kombinuar e mallrave (këtu e me tutje quhet “NK”)
do të zbatohet për klasifikimin e mallrave në tregtinë ndërmjet Palëve
që mbulohen nga kjo marrëveshje.
2. Për çdo produkt, tarifa doganore bazë që do të aplikohet dhe që do t’i
nënshtrohet reduktimeve të mëvonshme të përcaktuar në këtë
marrëveshje, do të jetë tarifa doganore që aplikohet aktualisht në
tregtinë ndërmjet palëve, në ditën që i paraprin hyrjes në fuqi të kësaj
marrëveshjeje.
3. Palët do t’i komunikojnë njëra-tjetrës tarifat e tyre doganore
respektive bazë.
4. Nëse, pas datës së nënshkrimit të kësaj marrëveshjeje, çdo reduktim
tarifor që zbatohet në tarifat doganore bazë, të përcaktuar në
paragrafin 2, veçanërisht reduktimet që ndjekin parimin erga omnes
për tarifat që rezultojnë nga marrëveshja tarifore e përfunduar si
rezultat i anëtarësimit në OBT ose si rezultat i negociatave tarifore në
kuadrin e OBT-së, këto tarifa të reduktuara do të zëvendësojnë tarifën
bazë, referuar në paragrafin 2 të këtij neni, që nga data kur këto
reduktime janë zbatuar.
5. Tarifat e reduktuara të llogaritura në përputhje me paragrafët 2 dhe 4
të këtij neni do të zbatohen të rrumbullakosura deri në shifrën e parë
dhjetore. Pala që nuk përdor presjen e parë dhjetore do të
rrumbullakosë tarifën tek të gjithë numrat duke përdorur parimet e
zakonshme aritmetike. Kështu, të gjitha shifrat që kanë 50 ose më
pak pas presjes dhjetore do të rrumbullakosen tek numri më i vogël i
7