Marrëveshja CEFTA - Dogana e Kosovës

Deklaratë e përbashkët për nenet 20 dhe 21
1. Palët në këtë marrëveshje sigurojnë jo më vonë se 1 maji 2010
zbatueshmërinë e dispozitave të përshtatshme për konkurrencën në
legjislacionin e tyre të brendshëm.
2. Dispozitat për konkurrencën në legjislacionin e brendshëm të palëve të
interesuara sillen në përputhje me parimet e neneve 81, 82, 86 dhe 87 të
marrëveshjes që themeloi Komunitetin Evropian.
3. Palët themelojnë brenda periudhës së parashikuar në paragrafin 1 një
autoritet operativ të pavarur të ngarkuar me zbatimin e rregullave të
konkurrencës dhe ndihmës shtetërore.
Deklaratë e përbashkët për nenet 21, 22 dhe 23
Palët deklarojnë që ato nuk do të zbatojnë masa anti-dumping, masa
kundër-balancuese apo masa mbrojtëse derisa ato nuk kanë nxjerrë
rregullore të brendshme, të detajuara që përcaktojnë rregulla dhe
procedura dhe vendosin për çështjet teknike në lidhje me zbatimin e
këtyre masave. Palët sigurojnë përputhshmëri të plotë të rregulloreve të
tyre të brendshme me dispozitat përkatëse të OBT-së duke përfshirë
nenet VI-të dhe XIX-të të GATT-it dhe marrëveshjen mbi zbatimin e nenit
VI-të, marrëveshjen mbi subvencionet dhe masat kundër-balancuese dhe
marrëveshjen për masat mbrojtëse. Pasi të jetë zbatuar një legjislacion i
tillë, palët zbatojnë çdo masë anti-dumping, masë kundër-balancuese dhe
masa mbrojtëse në përputhje të plotë më dispozitat përkatëse të OBT-së.
32