Marrëveshja CEFTA - Dogana e Kosovës

DEKLARATAT E PËRBASHKËTA
Deklaratë e përbashkët në lidhje me zbatimin e rregullave dhe
procedurave të OBT-së
Në masën që referencat janë bërë në kontekstin e kësaj marrëveshjeje në
rregullat dhe procedurat e parashikuara në aneksin 1A, aneksin 1B dhe
aneksin 1C të marrëveshjes së Marrakeshit që themeloi Organizatën
Botërore të Tregtisë, palët bien dakord t’i zbatojnë ato pavarësisht nëse
ato janë apo jo anëtare të OBT-së.
Deklaratë e përbashkët mbi bashkëpunimin dhe asistencën
Palët përpiqen, sipas rastit, të zhvillojnë bashkëpunimin dhe asistencën
ekonomike dhe teknike me qëllim që t’i japin njëra – tjetrës, veçanërisht,
megjithëse jo përjashtimisht:
a. këshilla mbi mënyrat e organizimit të infrastrukturës të përshtatshme
të iniciativave për investimet, duke përfshirë agjencitë e nxitjes së
investimeve;
b. kuadrin dhe procedurat për të stimuluar investimet e përbashkëta,
ndërmarrjet e përbashkëta dhe prodhimin për tregjet e vendeve të
treta;
c. programe trajnimi me qëllim arritjen e një kuptimi më të mirë për
sistemet e tyre përkatëse të prokurimit publik dhe statistika dhe hyrje
më të lehtë në tregjet e tyre përkatëse;
d. një ose më shumë nga aktivitetet e renditura më poshtë në lidhje me
të drejtat e pronësisë intelektuale:
(i)
këshillë legjislative (komente për projekt ligje, vendime gjyqësore
dhe administrative, përmbarimin dhe çështje të tjera në lidhje me
mbrojtjen e të drejtave të pronësisë intelektuale);
(ii) këshillë mbi mënyrat e organizimit të infrastrukturës
administrative, si zyrat e patentave, bashkimin e shoqërive dhe
autoriteteve të inspektimit;
(iii) trajnim në fushën e administrimit të drejtave të pronësisë
intelektuale dhe teknikat e menaxhimit;
(iv) trajnim i veçantë i gjyqtarëve, prokurorëve, juristëve,
nëpunësve dhe inspektorëve të doganave dhe policisë, për të bërë
më të efektshëm ekzekutimin e ligjeve, dhe
(v) aktivitete ndërgjegjësimi për sektorin privat dhe shoqërinë civile
mbi mbrojtjen dhe rëndësinë e të drejtave të pronësisë intelektuale.
31