Marrëveshja CEFTA - Dogana e Kosovës

ANEKSI 9
PËRBËRJA DHE FUNKSIONIMI I GJYKATËS SË ARBITRAZHIT
referuar nenit 43, paragrafi 3
1. Gjykata e Arbitrazhit përbëhet nga tre anëtarë.
2. Në njoftimin e saj me shkrim në pajtim me nenin 43, paragrafi 1, pala
që ia paraqet mosmarrëveshjen arbitrazhit do të caktojë një anëtar, që
mund të jetë shtetas ose rezident i saj.
3. Brenda 30 ditëve nga marrja e njoftimit të përmendur në nenin 43,
paragrafi 1, pala që i drejtohet cakton nga ana e vet një anëtar, që
mund të jetë shtetas ose rezident i saj.
4. Brenda 60 ditëve nga marrja e njoftimit referuar nenit 43, paragrafi 1,
të dy anëtarët e emëruar do të bien dakord për caktimin e një anëtari
të tretë që do të konfirmohet nga palët në mosmarrëveshje brenda 15
ditëve. Anëtari i tretë nuk është shtetas i asnjë pale në
mosmarrëveshje, dhe as rezident i përhershëm në territorin e asnjë
pale. Anëtari i emëruar në këtë mënyrë është Kryetari i Gjykatës së
Arbitrazhit.
5. Nëse të tre anëtarët nuk janë caktuar apo emëruar brenda 75 ditëve
nga marrja e njoftimit referuar nenit 43, paragrafi 1, secila palë mund
t’i kërkojë sekretarit të Përgjithshëm të Gjykatës së Përhershme të
Arbitrazhit në Hagë të caktojë një autoritet emërues.
6. Do të zbatohen rregullat opsionale të Gjykatës së Përhershme të
Arbitrazhit për arbitrimin e mosmarrëveshjeve ndërmjet dy shteteve,
përveç kur parashikohet ndryshe në këtë aneks.
290