Marrëveshja CEFTA - Dogana e Kosovës

Një nëpunës i një autoriteti pritës mund të autorizohet të dalë, brenda
kufijve të autorizimit të dhënë, si ekspert ose dëshmitar në procese
administrative ose gjyqësore në lidhje me çështjet që mbulohen nga ky
aneks, dhe të paraqesë ato objekte, dokumente ose kopje të vërtetuara të
tyre, që mund të jenë të nevojshme për procedimet. Kërkesa për paraqitje
duhet të tregoje me saktësi se para cilit autoritet gjyqësor ose
administrativ do të dalë nëpunësi, për cilat çështje dhe në sajë të cilës
cilësi apo kualifikim do të pyetet ai.
Neni 12
Shpenzimet e asistencës
Palët heqin dorë nga të gjitha pretendimet ndaj njëra-tjetrës për
rimbursimet e shpenzimeve që shkaktohet në pajtim me këtë aneks,
përveç kur, sipas rastit, për shpenzimet e ekspertët dhe dëshmitarët, dhe
ata interpretë ose përkthyes që nuk janë punonjës të shërbimit publik.
Neni 13
Zbatimi
1. Zbatimi i këtij aneksi u ngarkohet autoriteteve doganore të palëve. Ata
vendosin për të gjitha masat praktike të nevojshme për zbatimin e tij,
duke marrë parasysh rregullat në fuqi veçanërisht në fushën e mbrojtjes
së të dhënave. Ata mund t’u rekomandojnë autoriteteve kompetente
amendimet që ata mendojnë se duhet t’i bëhen këtij aneksi.
2. Palët konsultohen me njëra-tjetrën dhe e mbajnë njëra-tjetrën të
informuar për rregullat e detajuara për zbatimin që miratohen në pajtim
me dispozitat e këtij aneksi.
Neni 14
Marrëveshje të Tjera
1. Duke marrë parasysh kompetencat përkatëse të palëve, dispozitat e
këtij aneksi:
a. nuk do të prekin detyrimet e palëve të CEFTA-s në bazë të një
marrëveshjeje ose konvente tjetër ndërkombëtare
b. konsiderohen plotësuese për marrëveshjet e ndihmës së ndërsjelltë që
janë ose mund të lidhen ndërmjet palëve individuale të CEFTA-s.
2. Pavarësisht nga dispozitat e paragrafit 1, dispozitat e këtij aneksi do të
mbizotërojnë mbi dispozitat e çdo marrëveshjeje dypalëshe mbi
asistencën reciproke që është ose mund të lidhet ndërmjet palëve
individuale në masën që dispozitat e kësaj të fundit nuk përputhen me ato
të aneksit.
3. Në lidhje me çështjet që kanë të bëjnë me zbatueshmërinë e aneksit,
palët konsultohen me njëra tjetrën për zgjidhjen e çështjes në kuadrin e
Komitetit të Përbashkët të ngritur në bazë të nenit 40 të versionit të
konsoliduar të marrëveshjes për tregtinë e lirë të Evropës Qendrore
(CEFTA 2006).
281