Marrëveshja CEFTA - Dogana e Kosovës

(b) mund të cenonte politikën publike, sigurinë publikë apo interesa të
tjera thelbësore, veçanërisht në rastet referuar Nenit 10, paragrafi 2, ose
(c) cenonte një sekret industrial, tregtar ose profesional.
2. Asistenca mund të shtyhet nga autoriteti pritës me shkakun që ai do të
ndërhyjë në një hetim në proces, ndjekje penale apo procedim të
papërfunduar. Në një rast të tillë, autoriteti pritës konsultohet me
autoritetin aplikues për të përcaktuar nëse ndihma mund të jepet në
pajtim me këto terma dhe kushte siç mund të kërkohen nga autoriteti
pritës.
3. Nëse autoriteti aplikues kërkon sistencë që ai vetë nuk do të ishte në
gjendje ta jepte nëse i kërkohej, ai e vë në dukje një gjë të tillë në
kërkesë. Pastaj i mbetet autoritetit kërkues të vendosë si do të përgjigjet
ndaj një kërkese të tillë.
4. Për çështjet e përmendura në paragrafët 1 dhe 2, vendimi i autoritetit
pritës dhe arsyet për të duhet t’i komunikohen autoritetit aplikues pa
vonesë.
Neni 10
Shkëmbimi i informacionit dhe konfidencialiteti
1. Çdo informacion i komunikuar në çfarëdolloj forme në pajtim me këtë
aneks është i një natyre konfidenciale dhe të kufizuar, në varësi të
rregullave të zbatueshme për secilën palë. Ai mbulohet nga detyrimi i
sekretit zyrtar dhe gëzon mbrojtjen e dhënë për informacion të ngjashëm
në bazë të ligjeve përkatës të palës që e ka marrë atë dhe dispozitat
përkatëse që zbatohen për autoritetet.
2. Të dhënat personale mund të shkëmbehen vetëm nëse pala që mund t’i
marrë ato merr përsipër të ruajë të dhënat e tilla të paktën në një mënyrë
të njëjtë me atë që zbatohet për atë çështje të veçantë në palën që mund
t’i japë ato. Për këtë qëllim, palët i komunikojnë njëra-tjetrës informacion
për rregullat e tyre të zbatueshme, duke përfshirë, sipas rastit, dispozitat
ligjore në fuqi tek palët.
3. Përdorimi, në të gjitha proceset gjyqësore dhe administrative të filluara
në lidhje me operacionet në shkelje të legjislacionit doganor, ose
informacionit të marrë në bazë të këtij aneksi, konsiderohet të jetë për
qëllimet e këtij aneksi. Kështu, palët, në regjistrat e tyre të provave,
raporteve dhe deklarimeve dhe proceset dhe paditë e ngritura në gjykata,
mund të përdorin si provë informacionin e marrë dhe dokumentet e
konsultuara në pajtim me dispozitat e këtij aneksi. Autoriteti kompetent
që ka dhënë këtë informacion ose ka krijuar mundësinë për këto
dokumente njoftohet për këtë përdorim.
4. Informacioni i marrë përdoret vetëm për qëllimet e këtij aneksi. Nëse
një prej palëve dëshiron të përdorë këtë informacion për qëllime të tjera,
ajo merr informacionin. Ky përdorim u nënshtrohet kufizimeve të
parashikuara nga ky autoritet.
Neni 11
Ekspertët dhe dëshmitarët
280