Marrëveshja CEFTA - Dogana e Kosovës

2. Çdo palë u përgjigjet menjëherë të gjitha kërkesave të bëra nga një
palë tjetër për informacion të veçantë në lidhje me çdo masë të tyre
me zbatim të përgjithshëm ose marrëveshje ndërkombëtare që i
takojnë ose ndikojnë në këtë marrëveshje. Palët vendosin një pikë
kontakti tek e cila paraqiten këto kërkesa. Pikat e kontaktit ua kalojnë
menjëherë këto kërkesa agjencive të brendshme përkatëse.
Neni 45
Klauzolë e përgjithshme zhvilluese
1. Nëse një palë mendon se do të ishte e dobishme në interes të
ekonomive të palëve për të zhvilluar dhe thelluar marrëdhëniet e
vendosura nga kjo marrëveshje duke i zgjeruar ato në fusha që nuk
mbulohen prej saj, ajo u paraqet një kërkesë të arsyetuar palëve të
tjera. Palët mund të udhëzojnë Komitetin e Përbashkët të shqyrtojë
këtë kërkesë dhe, sipas rastit, të bëjë rekomandime, veçanërisht me
synim hapjen e bisedimeve.
2. Marrëveshjet që rrjedhin nga një procedurë e përmendur në
paragrafin 1 i nënshtrohen ratifikimit ose aprovimit nga palët në
përputhje me procedurat e tyre të brendshme ligjore.
Neni 46
Marrëdhëniet tregtare të rregulluara nga kjo dhe
marrëveshje të tjera
Kjo marrëveshje nuk pengon mbajtjen ose ngritjen e bashkimeve
doganore, zonave të tregtisë së lirë ose masave për tregtinë ndërkufitare
në masën që këto nuk kanë efekt negativ mbi regjimin e tregtisë dhe
veçanërisht mbi dispozitat në lidhje me rregullat e origjinës të
parashikuara nga kjo marrëveshje.
Neni 47
Anekset
1. Anekset dhe Deklaratat e Përbashkëta për këtë marrëveshje janë një
pjesë përbërëse e saj.
2. Komiteti i Përbashkët mund të vendosë të ndryshojë anekset në
përputhje me dispozitat e nenit 40, paragrafi 4 dhe në përputhje me
kërkesat e brendshme ligjore të palëve.
3. Nëse palët nuk bien dakord ndryshe, amendimet referuar paragrafit 2
të këtij neni hyjnë në fuqi në përputhje me nenin 41, paragrafi 3 i
kësaj marrëveshjeje.
28