Marrëveshja CEFTA - Dogana e Kosovës

Neni 7
Ekzekutimi i kërkesave
1. Me qëllim që të përmbushet kërkesa për ndihmë, autoriteti pritës
procedon, brenda kufijve të kompetencës së tij dhe burimeve në
dispozicion, sikur të vepronte në emër të vet ose me kërkesë të
autoriteteve të tjera të së njëjtës palë, duke dhënë informacionin e
zotëruar, duke kryer hetimet e përshtatshme ose duke marrë masat që
ato të kryhen. Kjo dispozitë zbatohet edhe për çdo autoritet tjetër që i
është dërguar kërkesa nga autoriteti pritës nëse ky i fundit nuk vepron dot
vetë.
2. Kërkesat për asistencë do të zbatohet sa më shpejt të jetë e mundur
me kërkesë në pajtim me dispozitat ligjore ose nënligjore të palës pritëse.
3. Nëpunësit e autorizuar rregullisht të një palë, me pëlqimin e palës
tjetër të përfshirë dhe në pajtim me kushtet e parashikuara nga e fundit,
mund të jenë të pranishëm për të marrë në zyrat e autoritetit pritës ose
çdo autoriteti tjetër të interesuar në pajtim me paragrafin 1, informacion
në lidhje me aktivitete që janë ose mund të jenë operacione që shkelin
legjislacionin doganor që autoritetit aplikues i duhet për qëllimet e këtij
aneksi.
4. Nëpunësit e autorizuar rregullisht të një pale, me pëlqimin e palës
tjetër të përfshirë dhe në pajtim me kushtet e përcaktuara nga kjo e
fundit, mund të jenë të pranishëm në hetimet e kryera në territorin e këtij
të fundit.
Neni 8
Forma në të cilën duhet të komunikohet informacioni
1. Autoriteti pritës i komunikon rezultatet e hetimeve autoritetit aplikues
me shkrim së bashku me dokumentet përkatës, kopjet e vërtetuara ose
sende të tjera.
2. Ky informacion mund të jetë në formë të kompjuterizuar.
3. Dokumentet origjinale transmetohen vetëm me kërkesë në rastet kur
kopjet e certifikuara do të ishin të pamjaftueshme. Këto origjinale kthehen
në rastin më të parë.
Neni 9
Përjashtime të detyrimit për dhënien e asistencës
1. Asistenca mund të refuzohet ose mund t’i nënshtrohet përmbushjes së
kushteve ose kërkesave të caktuara në rastet kur një palë është e
mendimit që asistenca në bazë të këtij aneksi do të:
(a) mund të cenonte sovranitetin e palëve që u është kërkuar të japin
asistencë në bazë të aneksit;
279