Marrëveshja CEFTA - Dogana e Kosovës

d. personat fizikë dhe juridikë në lidhje me të cilët ka shkaqe të
arsyeshme për të besuar që ata janë ose janë përfshirë në operacione që
shkelin legjislacionin doganor;
e. mjetet e transportit në lidhje me të cilët ka shkaqe të arsyeshme për të
besuar që ata kanë qenë, janë ose mund të përdoren në operacionet që
shkelin legjislacionin doganor.
Neni 5
Dorëzimi, njoftimi
Me kërkesë të autoritetit aplikues, autoriteti pritës, në pajtim me
dispozitat ligjore dhe nënligjore të zbatueshme për këtë të fundit, merr të
gjitha masat e nevojshme për të:
a. dorëzuar çdo dokument, ose
b. njoftuar çdo vendim,
që vjen nga autoriteti aplikues dhe përfshihet në fushën e këtij aneksi,
drejtuar një të adresuari rezident ose të themeluar në territorin e
autoritetit pritës.
Kërkesat për dorëzimin e dokumenteve ose njoftimin e vendimeve bëhet
me shkrim në një gjuhë zyrtare të autoritetit pritës ose në anglisht.
Neni 6
Forma dhe përmbajtja e kërkesave për asistencë
1. Kërkesat në pajtim me këtë aneks bëhen me shkrim. Ato shoqërohen
nga dokumentet e nevojshëm për të mundësuar përmbushjen e kërkesës.
Nëse kërkohet për shkak të urgjencës së situatës, kërkesat gojore mund
të pranohen, por duhet të konfirmohet menjëherë me shkrim.
2. Kërkesat në pajtim me paragrafin 1 përfshijnë informacionin e
mëposhtëm:
(a) autoritetin aplikues;
(b) masën e kërkuar;
(c) objektin dhe shkakun e kërkesës;
(d) dispozitat ligjore dhe nënligjore dhe elementët e tjerë ligjorë të
përfshirë;
(e) treguesit sa më të saktë dhe të plotë që të jetë e mundur mbi
personat fizikë dhe juridike që janë objekt i hetimeve;
(f) një përmbledhje të fakteve përkatës dhe të hetimeve të kryera.
3. Kërkesat paraqiten në një gjuhë zyrtare të autoritetit pritës ose në
anglisht. Kjo kërkesë nuk zbatohet për asnjë dokument që shoqëron
kërkesën sipas paragrafit 1.
4. Nëse një kërkesë nuk përmbush kërkesat formale të parashikuara më
sipër, mund të kërkohet korrigjimi ose plotësimi i saj; ndërkohe mund të
caktohen masat e përkohshme.
278