Marrëveshja CEFTA - Dogana e Kosovës

ANEKSI 5
MBI AISTENCEN RECIPROKE ADMINISTRATIVE NË ÇËSHTJET
DOGANORE
referuar nenit 14, paragrafi 2 dhe 3
Neni 1
Përkufizime
Për qëllime te këtij aneksi:
(a) ‘legjislacion doganor’ është çdo dispozitë ligjore ose nënligjore që
zbatohet në territoret e Palëve, që rregullon importin, eksportin ose
transitin e mallrave dhe vendosjen e tyre në një tjetër regjim ose
procedurë doganore, duke përfshirë masat e ndalimit, kufizimit ose
kontrollit;
(b) ‘autoriteti aplikues” është një autoritet kompetent i doganave që është
caktuar nga një Palë për këtë qëllim dhe që bën një kërkesë për asistence
në bazë të këtij aneksi;
(c) ‘autoriteti pritës’ është një autoritet kompetent doganor që është
caktuar nga një Palë për këtë qëllim dhe që merr një kërkesë për
asistencë në bazë të këtij aneksi;
(d) ‘të dhëna personale’ janë i gjithë informacioni në lidhje me një individ
të identifikuar ose të identifikueshëm;
(e) ‘operacion i shkeljes së legjislacionit doganor’ është çdo shkelje ose
shkelje e tentuar e legjislacionit doganor.
Neni 2
Fusha
1. Palët do të ndihmojnë njëra-tjetrën, në fushat brenda kompetencës së
tyre, në mënyrën dhe në bazë të kushteve të përcaktuara në këtë aneks,
për të siguruar zbatimin e saktë të legjislacionit doganor, veçanërisht
duke parandaluar, hetuar dhe luftuar kundër operacioneve të shkeljes së
këtij legjislacioni.
2. Asistenca në çështjet doganore, siç është parashikuar në këtë aneks,
do të zbatohet për çdo autoritet doganor të Palëve që është kompetent
për zbatimin e këtij Aneksi. Kjo nuk do të paragjykojë rregullat që
rregullojnë asistencën reciproke në çështjet penale. Kjo nuk do të mbulojë
as informacionin e përftuar në bazë të kompetencave të ushtruara me
kërkesë të një autoriteti gjyqësor, përveç kur komunikimi i këtij
informacioni është i autorizuar nga ky autoritet.
3. Asistenca në mbledhjen e tarifave doganore, taksave ose gjobave nuk
mbulohet nga ky aneks.
Neni 3
Asistenca me kërkesë
276