Marrëveshja CEFTA - Dogana e Kosovës

5. Komiteti i Përbashkët mund të vendosë për të ngritur organe të
përshtatshme, si grupe pune, taskë forca, nën-komitete, dhe organe
të tjera që ai i konsideron të nevojshme për të asistuar në
përmbushjen e detyrave të tij.
6. Komiteti i Përbashkët do të miratojë një listë ndërmjetësuesish të
rënë dakord bashkërisht nga personat e kualifikuar për të
ndërmjetësuar mosmarrëveshjen në pajtim me rregullat e pajtimit
UNCITRAL.
Neni 42
Përmbushja e detyrimeve dhe konsultimeve
1. Palët marrin të gjitha masat e nevojshme që kërkohen për të
përmbushur detyrimet e tyre në bazë të kësaj marrëveshjeje. Ato
kujdesen që të arrihen objektivat e parashikuara në marrëveshje.
Nëse lind ndonjë divergjencë në lidhje me interpretimin dhe aplikimin
e kësaj marrëveshjeje, palët e interesuara marrin çdo masë me anë të
bashkëpunimit dhe konsultimeve, nëse është e nevojshme në
Komitetin e Përbashkët, për të arritur një rezolutë reciprokisht të
pranueshme.
2. Çdo palë mund t’i kërkojë me shkrim Komitetit të Përbashkët që
konsultimet me një palë tjetër në lidhje me një masë aktuale ose të
propozuar apo çdo çështje tjetër që ajo e konsideron se ndikon në
operimin e kësaj marrëveshjeje, të realizohet në Komitetin e
Përbashkët. Pala që kërkon konsultime në të njëjtën kohë njofton për
këtë palët e tjera me shkrim dhe jep të gjithë informacionin e duhur.
Komiteti i Përbashkët mund të rekomandojë masa të përshtatshme.
3. Këto konsultime, nëse palët e interesuara bien dakord, mund të
kryhen në praninë e një ndërmjetësi. Nëse palët e interesuara nuk
bien dakord për një ndërmjetës, Kryetari i Komitetit të Përbashkët
ose, nëse ai është shtetas ose rezident i një prej palëve të
interesuara, i pari prej paraardhësve të tij që nuk është, emëron
ndërmjetësin brenda 20 ditëve kalendarike pas marrjes së kërkesës
së parë me shkrim për ndërmjetësim në pajtim me rregullat e
parashikuara në aneksin 8. Ndërmjetësi do të paraqesë një raport
përfundimtar Komitetit të Përbashkët jo më vonë se 60 ditë
kalendarike pas emërimit të tij/saj. Nëse në bazë të raportit të
ndërmjetësit nuk mund të gjendet një zgjidhje, Komiteti i Përbashkët
trajton çështjen me qëllim gjetjen e një zgjidhjeje bashkërisht të
pranueshme. Nëse kjo nuk ka rezultat, Komiteti i Përbashkët do të
rekomandojë masa të përshtatshme.
4. Nëse një palë konsideron se një palë tjetër nuk ka përmbushur një
detyrim në bazë të kësaj marrëveshjeje, dhe konsultimet dypalëshe,
ndërmjetësimi ose Komiteti i Përbashkët nuk kanë mundur të arrijnë
një zgjidhje bashkërisht të pranueshme brenda 90 ditëve kalendarike
nga marrja e njoftimit referuar paragrafit 2, pala përkatëse mund të
26