Marrëveshja CEFTA - Dogana e Kosovës

dizenjot industriale dhe tregues gjeografikë), të drejtën e autorit dhe të
drejtat e lidhura me to, topografitë e qarqeve të integruara, si dhe
mbrojtjen kundër konkurrencës së pandershme referuar nenit 10 bis të
Konventës së Parisit për mbrojtjen e pronësisë industriale dhe mbrojtjen
e informacionit të sekret referuar nenit 39 të marrëveshjes mbi aspektet
të tregtisë që lidhen me të drejtat e pronësisë intelektuale (këtu e me
tutje referuar “TRIPS”).
Neni 38
Objektivat
1. Palët do të japin dhe sigurojnë mbrojtje të përshtatshme dhe të
efektshme për te drejtat e pronësisë intelektuale në përputhje me
standardet ndërkombëtare, veçanërisht me TRIPS, duke përfshirë
mjetet e efektshme për imponimin e zbatimit të këtyre të drejtave të
parashikuara në konventa dhe traktate ndërkombëtare.
2. Palët do të vazhdojnë të sigurojnë një zbatim të përshtatshëm dhe të
efektshëm të detyrimeve që rrjedhin nga konventat e listuara në
aneksin 7.
3. Palët legjitime që nuk janë akoma anëtare të konventave të listuara në
aneksin 7 do të aderojnë në to dhe marrin të gjitha masat e
nevojshme me qëllim zbatimin e detyrimeve që lindin prej tyre ne
mënyre adekuate dhe efektive jo më vonë se 1 maj 2014.
Neni 39
Klauzola zhvilluese
1. Nëse një palë, pas hyrjes në fuqi të kësaj marrëveshjeje, i ofron një
pale të tretë avantazhe ose preferenca shtesë në lidhje me të drejtat
e pronësisë intelektuale tej asaj që është rënë dakord në pjesën D të
këtij kapitulli, ajo do të bjerë dakord për të hyrë në konsultime me
palët e tjera në këtë marrëveshje me qëllim dhënien e këtyre
avantazheve ose preferencave të gjithë atyre mbi një bazë reciproke.
2. Ndërsa palët shprehin përkushtimin e tyre për të respektuar
detyrimet që rrjedhin nga konventat shumëpalëshe të listuara në
aneksin 7, palët mund të vendosin të përfshijnë në këtë aneks
konventa të tjera shumëpalëshe në këtë fushë, dhe pohojnë
përkushtimin e tyre për të rishikuar pjesën D të këtij kapitulli, jo më
vonë se 1 maj 2011.
24