Marrëveshja CEFTA - Dogana e Kosovës

2. Secila palë jo më vonë se 1 maj 2010 siguron hapjen graduale dhe të
efektshme të tregut të prokurimeve publike me qëllim që, në lidhje
me çdo ligj, rregullore, procedurë dhe praktikë, mallrave, shërbimeve
dhe furnitorëve të palëve të tjera do t’u jepet një trajtim jo më pak i
favorshëm se ai i dhënë për mallrat, shërbimet dhe furnitorët e
brendshëm. Veçanërisht, palët do të sigurojnë që entet e tyre:
a. nuk e trajtojnë një furnitor të themeluar brenda vendit në mënyrë
më pak të favorshme se një furnitor tjetër të themeluar brenda
vendit mbi bazën e shkallës së filialit te huaj ose pronësisë nga një
person i një pale tjetër; dhe
b. nuk diskriminojnë ndaj një furnitori të themeluar brenda vendit
mbi bazën që mallrat ose shërbimet e ofruara nga ky furnitor për
një prokurim të caktuar janë mallrat ose shërbimet nga një pale
tjetër.
3. Ky nen nuk zbatohet as për masat në lidhje me tarifat doganore ose
detyrime të tjera të çdo lloji të vendosura mbi ose në lidhje me
importimin, metodën e caktimit të tarifave ose detyrimeve të tilla,
rregullore të tjera importi, duke përfshirë kufizimet dhe formalitetet,
dhe as për masat që prekin tregtinë në shërbime të ndryshme nga
masat që rregullojnë në mënyrë të veçantë prokurimin.
Neni 36
Klauzola zhvilluese
1. Palët rishikojnë rregullisht në Komitetin e Përbashkët, progresin për
hapjen e tregjeve të tyre të prokurimeve publike. Rishikimi i parë do
të kryhet jo më vonë se 1 maji 2008 dhe do të përqendrohet në
përmbushjen e nenit 35, paragrafi 1. Mbi bazën e këtyre rishikimeve,
Komiteti i Përbashkët mund të rekomandojë veprime të mëtejshme
për të përmbushur objektivat e nenit 35, paragrafi 2.
2. Nëse një palë në të ardhmen i lejon një pale të tretë avantazhe në
lidhje me hyrjen në tregjet e tyre përkatëse të prokurimit tej asaj që
është rënë dakord në këtë marrëveshje, ajo u ofron palëve të tjera
mundësi të përshtatshme për të hyrë në bisedime me qëllimin e
dhënies së këtyre avantazheve mbi bazë reciproke.
D. — Mbrojtja e pronësisë intelektuale
Neni 37
Fusha dhe përkufizimet
Për qëllimet e kësaj marrëveshjeje, të drejtat e pronësisë intelektuale
përfshijnë të drejta të pronësisë industriale (patenta, marka tregtare,
23