Marrëveshja CEFTA - Dogana e Kosovës

Një trajtim i tillë nuk ka të bëjë as edhe me një avantazh që një Palë
u jep investitorëve të një shteti të tretë në sajë të marrëveshjeve të
taksimit të dyfishtë ose marrëveshjeve të tjera me bazë reciproke në
lidhje me çështjet e taksave.
Neni 33
Klauzola zhvilluese
1. Palët konsultohen në Komitetin e Përbashkët, duke synuar arritjen
graduale të një bashkërendimi të gjerë të politikave të investimeve të
tyre.
2. Në këtë masë, palët afirmojnë përkushtimin e tyre gradualisht për të
rishikuar kuadrin e tyre të brendshëm ligjor në lidhje me investimet,
me qëllim lehtësimin e kushteve të investimeve. Palët do të
shkëmbejnë informacion mbi këto aspekte në Komitetit të përbashkët,
në përputhje me nenin 31, paragrafi 4.
3. Palët shqyrtojnë gjithashtu mundësitë e dhënies së avantazheve të
ngjashme shtesë, në përputhje me ligjet dhe rregulloret e tyre të
brendshme, investitorëve të palëve të tjera ose, sipas rastit,
investitorëve të shteteve të tretë.
C. — Prokurimi publik
Neni 34
Fusha dhe përkufizimet
Kjo marrëveshjet zbatohet për të gjithë ligjet, rregulloret, procedurat ose
praktikat në lidhje me prokurimet nga subjektet qeveritare qendrore ose
lokale ose subjekte të tjera përkatëse. Asgjë në nenet 26-29 të kësaj
marrëveshjeje nuk interpretohet sikur cakton ndonjë detyrim në lidhje me
prokurimin qeveritar. Do të zbatohen përkufizimet e nenit I të
marrëveshjes së OBT-së për prokurimin publik.
Neni 35
Objektivat
1. Secila palë që nga data e hyrjes në fuqi të kësaj marrëveshjeje do të
sigurojë që prokurimet nga entet e veta do të zhvillohen në një
mënyrë transparente dhe të arsyeshme, do të trajtojnë të gjithë
furnitorët e palëve tjera me barazi, dhe bazohet në parimin e
konkurrencës së hapur dhe të efektshme.
22