Marrëveshja CEFTA - Dogana e Kosovës

ANEKS I, I PROTOKOLLIT
SHËNIME PREZANTUESE TË LISTËS NË ANEKSIN II
Shënim 1:
Lista vendos kushtet e kërkuara për të gjitha produktet për t’u konsideruar si të
punuara ose përpunuara mjaftueshëm brenda kuptimit të nenit 6 të protokollit.
Shënim 2:
2.1. Dy kolonat e para në listë përshkruajnë produktin e përftuar. Kolona e parë
jep numrin e kreut ose numrin e kapitullit, të përdorur në sistemin e harmonizuar
dhe kolona e dytë jep përshkrimin e mallrave të përdorura në atë sistem për atë kre
apo kapitull. Për secilën hyrje në dy kolonat e para specifikohet një rregull në
kolonën 3 ose 4. Kur, në disa raste, hyrja në kolonën e parë parapritet nga një “ex”
kjo nënkupton se rregullat në kolonën 3 ose 4 aplikohen vetëm për pjesën e atij
kreu sikurse është përshkruar në kolonën 2.
2.2. Kur shumë numra krerësh grupohen së bashku në kolonën 1 ose jepet një
numër kapitulli dhe kështu përshkrimi i produkteve në kolonën 2 jepet në terma të
përgjithshëm, rregullat e afërta në kolonën 3 ose 4 aplikohen për të gjitha
produktet, të cilat, nën sistemin e harmonizuar klasifikohen në krerët e kapitullit
ose në çdo kre të grupuar së bashku në kolonën 1.
2.3. Kur ka rregulla të ndryshme në listën që aplikohet për produkte të ndryshme
brenda një kreu, secila pikë përmban përshkrimin e asaj pjese të kreut të rregulluar
nga rregullat e afërta në kolonën 3 ose 4.
2.4. Kur, për një hyrje në dy kolonat e para, një rregull specifikohet në të dyja
kolonat 3 dhe 4, eksportuesi mund të zgjedhë, si alternativë, që të aplikojë
rregullin e vendosur në kolonën 3, ose atë të vendosur në kolonën 4. Në rast se nuk
jepet ndonjë rregull origjine në kolonën 4, duhet të aplikohet rregulli i vendosur në
kolonën 3.
211