Marrëveshja CEFTA - Dogana e Kosovës

mosmarrëveshje mund t’i nënshtrohet procedurave të arbitrazhit të
parashikuara në një prej marrëveshjeve që përcaktohen në aneksin 6.
Neni 31
Objektivat
1. Palët krijojnë dhe mbajnë kushte të qëndrueshme, të favorshme dhe
transparente për investitorët e palëve të tjera që po bëjnë ose
kërkojnë të bëjnë investime në territoret e tyre.
2. Secila palë do të nxisë sa të jetë e mundur investimet e bëra nga
investitorët e palëve të tjera në territorin e saj dhe i pranon këto
investime në përputhje me ligjet dhe rregulloret e saj të brendshme.
3. Nëse një palë ka pranuar një investim të bërë nga investitorët nga
Palët e tjera, ajo, në pajtim me ligjet dhe rregulloret e saj të
brendshme, jep lejet e nevojshme dhe autorizimet administrative në
lidhje me një investim të tillë.
4. Në këtë mase, palët do të shkëmbejnë, brenda kuadrit të Komitetit të
Përbashkët, informacion në lidhje me ligjet dhe rregulloret e tyre për
themelimin e investimeve, si dhe çdo mundësi investimi.
Neni 32
Trajtimi i investimeve
1. Secila palë garanton trajtim të drejtë dhe të barabartë dhe mbrojtje
dhe siguri të plotë për investimet e investitorëve të palëve të tjera.
2. Secila palë i mbron investimet e bëra në pajtim me ligjet dhe
rregulloret e saj të brendshme nga investitorët e palëve të tjera dhe
nuk do të dëmtojë me anë të masave të paarsyeshme ose
diskriminuese menaxhimin, mirëmbajtjen, përdorimin, gëzimin,
zgjerimin, shitjen ose likuidimin e këtyre investimeve. Palët nuk
miratojnë asnjë rregullore ose masë të re që do të vendoste një
diskriminim në lidhje me themelimin e shoqërive të një Pale tjetër në
territorin e tyre.
3. Palët do të sigurojnë, në lidhje me themelimin dhe operimin e
investimeve të palëve të tjera, një trajtim jo më pak të favorshëm se
ai që u jepet nga secila palë investimeve të bëra nga investitorët e
vet, ose që u jepet nga secila palë investimeve të investitorëve nga
një shtet i tretë, nëse trajtimi i këtij të fundit është më i favorshëm.
4. Dispozitat e trajtimit jo-diskriminues, trajtimit kombëtar dhe trajtimit
të kombit më të favorizuar të kësaj marrëveshjeje nuk do të zbatohen
tek të gjitha avantazhet e tashme dhe të ardhme të dhëna nga një
Palë në sajë të anëtarësisë së saj në një bashkim doganor, ekonomik
ose monetar, një treg të përbashkët ose një zonë e tregtisë së lirë.
21