Marrëveshja CEFTA - Dogana e Kosovës

kombëtare palëve, ekuivalente me shumat e shprehura në euro, duhet të fiksohet
çdo vit nga secili prej palëve të interesuara.
2. Një dërgesë malli duhet të përfitojë nga dispozitat e nenit 22(1)(b) dhe nenit
27(3), duke ju referuar monedhës në të cilën është përgatitur fatura, sipas shumës
së fiksuar nga pala e interesuar.
3. Shumat për t’u përdorur në çdo lloj monedhe kombëtare të dhënë duhet të jenë
të barabarta në këtë monedhë me shumën e shprehur në euro si në ditën e parë të
punës së muajit tetor dhe zbatohen nga 1 janari i vitit në vazhdim. Palët i
komunikojnë shumat njëra-tjetrës brenda rreth 15 tetorit
4. Një palë mund të rrumbullakosë shumën që rezulton nga konvertimi në
monedhën e vet kombëtare të një shume të shprehur në euro. Sasia e
rrumbullakosur nuk duhet të ndryshojë nga sasia e rezultuar prej konvertimit me
më shumë se 5%. Një palë mund të mbajë të pandryshuar ekuivalentin e monedhës
së tij kombëtare të një shume të shprehur në euro, në rast se gjatë kohës së
rregullimeve vjetore, sipas paragrafit 3, konvertimi i kësaj shume, përpara
rrumbullakosjes, rezulton me një rritje më pak se 15% në ekuivalentin e monedhës
kombëtare. Ekuivalenti i monedhës kombëtare mund të mbahet i pandryshuar në
rast se konvertimi do të rezultonte në një pakësim në këtë vlerë ekuivalente.
5. Shumat e shprehura në euro duhet të rishikohen nga Komiteti i Përbashkët me
kërkese të një pale. Gjatë këtij rishikimi, Komiteti i Përbashkët duhet të
konsiderojë dëshirën e palëve për tu mbrojtur nga pasojat e efekteve të kufizimeve
në terma reale. Për këtë qëllim, ai mund të vendosë për të modifikuar shumat e
shprehura në euro.
TITULLI VI
RREGULLIME PËR BASHKËPUNIMIN ADMINISTRATIV
Neni 32
Asistenca reciproke
1. Autoritetet doganore të palëve duhet t’i sigurojnë njëra-tjetrës kopje të llojit të
vulave të përdorura në zyrat e tyre doganore për lëshimin e certifikatave të
qarkullimit të mallrave EUR.1 dhe adresat e autoriteteve përgjegjëse doganore për
të vërtetuar këto certifikata dhe deklarata faturë.
2. Me qëllim që të sigurohet zbatimi i duhur i këtij protokolli, palët duhet të
ndihmojnë njëra-tjetrën, nëpërmjet administratave doganore kompetente, në
kontrollin e origjinalitetit të certifikatave të qarkullimit të mallrave EUR.1 ose të
deklaratave fature, si dhe korrektësinë e informacionit të dhënë në këto
dokumente.
207