Marrëveshja CEFTA - Dogana e Kosovës

Neni 23
Vlefshmëria e vërtetimit të origjinës
1. Vërtetimi i origjinës është i vlefshëm për katër muaj nga data e lëshimit në
palën eksportuese, dhe duhet depozituar brenda kësaj periudhe tek autoritetet
doganore të palës importuese.
2. Vërtetimet i origjinës të cilat janë depozituar pranë autoriteteve doganore të
palës importuese pas datës së fundit për paraqitje të specifikuar në paragrafin 1,
mund të pranohen me qëllim zbatimin e trajtimit preferencial, nëse depozitimi i
këtyre dokumenteve deri në datën përfundimtare, nuk është bërë për shkak të
rrethanave të jashtëzakonshme.
3. Në rastet e tjera të depozitimeve të vonuara, autoritetet doganore të palës
importuese mund ta pranojnë vërtetimin e origjinës kur produktet janë paraqitur
përpara datës përfundimtare.
Neni 25
Paraqitja e vërtetimit të origjinës
Vërtetimi i origjinës duhet të paraqitet pranë autoriteteve doganore të vendit
importues në pajtim me procedurat që aplikohen në atë palë. Autoritetet e
mësipërme mund të kërkojnë një përkthim të vërtetimit të origjinës dhe gjithashtu
mund të kërkojnë që deklarata e importit të shoqërohet nga një deklarim nga
importuesi që vërteton se produktet plotësojnë kushtet e kërkuara për zbatimin e
kësaj marrëveshjeje.
Neni 26
Importi me këste
Nëse me kërkesë të importuesit dhe me kushtet e caktuara nga autoritetet doganore
të palës importuese, produktet e ndara ose jo të montuara në kuptimin e rregullit të
përgjithshëm 2(a) të sistemit të harmonizuar, brenda seksionit XVI dhe XVII apo
në krerët Nr. 7308 dhe 9406 të sistemit të harmonizuar, importohen me këste,
vetëm një vërtetim i origjinës për të tilla produkte duhet të paraqitet pranë
autoriteteve doganore gjatë importimit të këstit të parë.
204