Marrëveshja CEFTA - Dogana e Kosovës

ose printuar mbi faturën, notën shpërndarëse ose ndonjë dokument tjetër tregtar,
deklaratën, teksti i së cilës jepet në aneksin IV, duke përdorur një nga versionet
gjuhësore të përcaktuara në atë aneks dhe në përputhje me dispozitat e ligjit të
brendshëm të vendit eksportues. Nëse deklarata është e shkruar me dorë, duhet të
shkruhet me bojë me germa kapitale.
6. Një deklaratë fature duhet të ketë firmën origjinale të eksportuesit të shkruar me
dorë. Sidoqoftë, një eksportuesi të aprovuar në kuptimin e nenit 23, nuk do t’i
kërkohet të nënshkruajë deklarata të tilla, me kusht që ai u paraqet autoriteteve
doganore të vendit eksportues një deklaratë me shkrim ku ai pranon të gjitha
përgjegjësitë për një deklaratë fature e cila e identifikon atë sikur të jetë
nënshkruar me shkrim dore prej tij.
7. Një deklaratë faturë mund të bëhet nga një eksportues kur produktet të cilave
ajo u përket eksportohen, ose pas eksportimit me kusht që ajo të paraqitet në
vendin importues jo më vonë se dy vjet pas importimit të produkteve të cilave ajo
u referohet.
Neni 23
Eksportuesi i aprovuar
1. Autoritetet doganore të vendit eksportues mund të autorizojnë çdo eksportues,
këtu quhet “eksportues i aprovuar”, që bën dërgesa të shpeshta të mallrave sipas
kësaj Marrëveshjeje, të lëshoje deklaratë fature, pavarësisht nga vlera e produkteve
në fjalë. Një eksportues që kërkon një autorizim të tillë, duhet të paraqesë, sipas
kërkesave të autoriteteve doganore, të gjitha garancitë e nevojshme për të vërtetuar
statusin e origjinës së produkteve si dhe plotësimin e kërkesave të tjera të këtij
protokolli.
2. Autoritetet doganore mund të japin statusin e eksportuesit të aprovuar sipas një
kushti që ata e gjykojnë të përshtatshme.
3. Autoritetet doganore i japin eksportuesit të aprovuar një numër autorizimi
doganor i cili shfaqet në deklaratën faturë.
4. Autoritetet doganore kontrollojnë përdorimin e autorizimeve nga eksportuesi i
aprovuar.
5. Autoritetet doganore mund ta tërheqin autorizimin në çdo kohë. Ata e bëjnë këtë
kur eksportuesi i aprovuar nuk ofron më garancitë e përmendura në paragrafin 1, si
dhe nuk plotëson më kërkesat e përmendura në paragrafin 2, ose kryen përdorim jo
korrekt të autorizimit.
203