Marrëveshja CEFTA - Dogana e Kosovës

Neni 27
Objektivat
Palët do të zhvillojnë dhe zgjerojnë gradualisht bashkëpunimin e tyre me
qëllim arritjen e liberalizimit gradual dhe hapjen reciproke të tregjeve të
tyre të shërbimeve, në kontekstin e integrimit evropian, duke marrë
parasysh dispozitat përkatëse të GATS dhe angazhimet e marra në bazë
të GATS nga palët duke qenë anëtarë të OBT-së.
Neni 28
Tregtia elektronike
Palët, duke njohur që përdorimi i mjeteve elektronike rrit mundësitë për
tregti në shumë sektorë, bien dakord të nxisin zhvillimin e tregtisë
elektronike ndërmjet tyre, veçanërisht duke bashkëpunuar mbi hyrjen në
treg dhe çështjet rregullatore që lindin nga tregtia elektronike.
Neni 29
Klauzola zhvilluese
Komiteti i Përbashkët do të rishikojë mbi baza vjetore rezultatet e
bashkëpunimit referuar në nenin 27 dhe, sipas rastit, rekomandon, ne
bazë të rregullave të veta procedurale, fillimin e bisedimeve me qëllim
arritjen graduale të një niveli më të lartë liberalizimi në përputhje me
nenin V-të të GATS. Angazhimet e mëtejshme të marra pas këtyre
bisedimeve do të vendosen në skedule që formojnë një pjesë përbërëse të
kësaj marrëveshjeje.
B. — Investimet
Neni 30
Fusha
1. Palët konfirmojnë të drejtat dhe detyrimet e tyre ekzistuese në bazë të
marrëveshjeve dypalëshe të renditura në aneksin 6.
2. Dispozitat e neneve 30-33 të kësaj marrëveshjeje nuk cenojnë të
drejtat dhe detyrimet e palëve që rrjedhin nga marrëveshjet e listuara
në aneksin 6.
3. Palët bien dakord që çdo mosmarrëveshje në lidhje me interpretimin
ose zbatimin e dispozitave të neneve 30-33 nuk do t’i nënshtrohen
procedurës së arbitrazhit të parashikuar në nenin 43, nëse kjo
20