Marrëveshja CEFTA - Dogana e Kosovës

MARRËVESHJE PËR AMENDIMIN DHE ZGJERIMIN E
MARRËVESHJES SË TREGTISË SË LIRË TË EVROPËS QENDRORE
Preambulë
Republika e Shqipërisë, Bosnja dhe Hercegovina, Republika e Bullgarisë,
Republika e Kroacisë, Republika e Maqedonisë, Republika e Moldavisë,
Republika e Malit të Zi, Rumania, Republika e Serbisë dhe Misioni i
Administratës së Përkohshme të Kombeve të Bashkuara në Kosovë në
emër të Kosovës në përputhje me Rezolutën 1244 të Këshillit të Sigurimit
të Kombeve të Bashkuara (këtu e më tutje të quajtura “Palët”),
Duke pasur parasysh qëllimin e palëve legjitime për të aderuar në
Bashkimin Evropian,
Duke njohur kontributin e Marrëveshjes së Tregtisë së Lirë të Evropës
Qendrore (këtu e më tutje te referuar si “CEFTA”) për të përmirësuar
gatishmërinë e Palëve për anëtarësim në Bashkimin Evropian siç
dëshmohet nga aderimi më 1 maj 2004 i Republikës Çeke, Republikës së
Hungarisë, Republikës së Polonisë, Republikës Sllovake dhe Republikës së
Sllovenisë dhe aderimi i ardhshëm i Republikës së Bullgarisë dhe
Rumanisë;
Të bindur për domosdoshmërinë për të amenduar CEFTA-n, me qëllim për
të kontribuar në procesin e integrimit në Evropë nëpërmjet hapjes së
CEFTA-s për të gjitha palët që janë të gatshme për të zbatuar dispozitat e
kësaj Marrëveshjeje;
Duke pasur parasysh Deklaratën e Kryeministrave të CEFTA-s, të bërë më
29 Nëntor 2005 në Zagreb;
Duke pasur parasysh Deklaratën e Kryeministrave të palëve, të bërë më 6
prill 2006 në Bukuresht,
kanë rënë dakord si më poshtë:
Neni 1
Aderimi
Republika e Shqipërisë, Bosnja dhe Hercegovina, Republika e Moldavisë,
Republika e Malit të Zi, Republika e Serbisë dhe Misioni i Administratës së
Përkohshme të Kombeve të Bashkuara në Kosovë në emër të Kosovës, në
përputhje me Rezolutën 1244 të Këshillit të Sigurimit të Kombeve të
Bashkuara, këtu aderojnë në marrëveshjen e tregtisë së lirë të Evropës
Qendrore sipas amendimit të nenit 3 të kësaj marrëveshjeje dhe e
zbatojnë atë në përputhje me dispozitat e kësaj marrëveshjeje.
2