Marrëveshja CEFTA - Dogana e Kosovës

Neni 17
Procedurat për lëshimin e një certifikatë qarkullimi mallrash EUR.1
1. Një certifikatë qarkullimi mallrash EUR.1 lëshohet nga autoritetet doganore të
vendit eksportues mbështetur në kërkesën e bërë me shkrim nga eksportuesi ose,
nën përgjegjësinë e eksportuesit, nga përfaqësuesi i tij i autorizuar.
2. Për këtë qëllim, eksportuesi ose përfaqësuesi i tij i autorizuar plotëson si
certifikatën e qarkullimit të mallrave EUR.1 ashtu dhe formën e aplikimit,
ekzemplarët e të cilëve tregohet në aneksin III. Këta formularë plotësohen në një
nga gjuhët e palëve ose në anglisht dhe në përputhje me dispozitat e ligjit të
brendshëm të vendit eksportues. Nëse ato janë të shkruara me dorë, ato do të
plotësohen me bojë me germa kapitale. Përshkrimi i produkteve duhet të jepet në
një katror të rezervuar për këtë qëllim pa lënë asnjë rresht bosh. Kur katrori nuk
është e plotësuar tërësisht, një vijë horizontale duhet të hiqet poshtë vijës së fundit
së përshkrimit, përmes hapësirës boshe.
3. Eksportuesi që bën kërkesë për lëshimin e një certifikate qarkullimi mallrash
EUR.1 përgatitet për të depozituar në çdo kohë, me kërkesën e autoriteteve
doganore të palës eksportuese ku certifikata e qarkullimit të mallrave EUR.1 është
lëshuar, të gjitha dokumentet e nevojshme që provojnë statusin e origjinës së
produktit në fjalë si dhe plotësimin e kërkesave të tjera të këtij protokolli.
4. Një certifikatë qarkullimi mallrash EUR.1 lëshohet nga autoritetet doganore të
një pale nëse produktet në fjalë mund të konsiderohen me origjinë në këtë palë ose
në Bashkimin Evropian ose në një vend tjetër referuar nenit 3 dhe plotëson
kërkesat e tjera të këtij protokolli.
5. Autoritetet doganore që lëshojnë certifikatën e qarkullimit të mallrave EUR.1
marrin çdo masë të nevojshme për të verifikuar statusin e origjinës së produkteve
dhe plotësimin e kërkesave të tjera të këtij protokolli. Për këtë qëllim, ato kanë të
drejtë të kërkojnë çdo provë apo të ndërmarrin çdo inspektim të llogarive
financiare të eksportuesit ose ndonjë kontroll tjetër që ata e konsiderojnë të
nevojshëm. Ato sigurojnë që formularët referuar paragrafit 2 janë të plotësuar
rregullisht. Në veçanti, ata kontrollojnë nëse hapësira e rezervuar për përshkrimin
e produkteve është plotësuar në mënyrë të tillë që përjashton të gjitha mundësitë
për shtesa mashtruese.
6. Një certifikatë EUR.1 do të përmbajë një nga formulimet e mëposhtme në
anglisht, ne katrorin 7:
- nëqoftëse origjina është përfituar nga zbatimi i kumulimit nga materiale
origjinuese në një Palë, në Bashkimin Evropian ose në një nga vendet, referuar
nenit 3 :
“Kumulimi zbatuar nga ........” (Emri i vendit(eve) ose teriitorit(eve))
- nëqoftëse origjina është përfituar jo nga zbatimi i kumulimit nga
materiale origjinuese në një Palë, në Bashkimin Evropian ose në një nga vendet
199