Marrëveshja CEFTA - Dogana e Kosovës

Neni 14
Ekspozitat
1. Produktet me origjinë, të dërguara për ekspozita në një vend tjetër jashtë palëve,
në Bashkimin Evropian ose në një nga vendet referuar nenit 3 në të cilat kumulimi
është i zbatueshëm dhe të shitura pas ekspozitës për importim në një palë
përfitojnë në lidhje me këtë importim nga dispozitat e marrëveshjes, pasi të ketë
siguruar autoritetet doganore që:
a) një eksportues i ka dërguar këto produkte nga njëra nga palët në vendin në të
cilin bëhet ekspozita dhe i ka ekspozuar ato atje;
b) produktet janë shitur ose në të kundërt i janë vënë në dispozicion nga ky
eksportues personit në palën tjetër;
c) produktet janë dorëzuar gjatë ekspozitës ose menjëherë pas tij në shtetin në të
cilin ato janë dërguar për ekspozim;
dhe
d) produktet nuk janë përdorur, që nga momenti kur ato u dërguan në ekspozitë,
për ndonjë qëllim tjetër veçse atij te ekspozimit.
2. Vërtetimi i origjinës duhet të jetë lëshuar ose bërë në përputhje me dispozitat e
titullit V dhe të jetë paraqitur pranë autoriteteve doganore të vendit importues në
formë normale. Emri dhe adresa e ekspozitës duhet të jenë të shprehura qartë në të.
Kur paraqitet e nevojshme, mund të kërkohen të dhëna shtesë dokumentare në
lidhje me kushtet e ekspozimit të produkteve.
3. Paragrafi 1 do të aplikohet për çdo lloj ekspozimi, prezantimi të thjeshtë apo
panairi publik tregtar, industrial, bujqësor, ose për mjete udhëtimi apo
transportimi, i vili nuk duhet të jetë organizuar për qëllime private në dyqane apo
biznese me synimin e shitjes së mallrave nga jashtë, dhe gjatë të cilëve produktet i
nënshtrohen kontrollit doganor.
TITULLI IV
TËRHEQJA OSE PËRJASHTIMI
Neni 15
Ndalimi i tërheqjes prej, ose përjashtimeve nga, tarifat doganore
1. Materialet pa origjinë të përdorura në prodhimin e një produkti me origjinë në
njërën palë, në Bashkimin Evropian, ose në një nga vendet referuar nenit 3 në të
cilët kumulimi është i zbatueshëm dhe për të cilat vërtetimi i origjinës është
lëshuar ose bërë në përputhje me dispozitat e titullit V nuk i nënshtrohet në
ndonjërën Palë, tërheqjes prej, ose përjashtimit nga, detyrimet doganore të çdo
lloji.
197