Marrëveshja CEFTA - Dogana e Kosovës

2. Kur, në bazë të rregullit të përgjithshëm 5 të sistemit të harmonizuar, paketimi
përfshihet bashkë me produktin për qëllime klasifikimi, ai përfshihet me qëllimin e
përcaktimit të origjinës.
Neni 9
Aksesorët, pjesët e këmbimit dhe instrumentet
Aksesorët, pjesët e këmbimit dhe instrumentet të lidhura me një pjesë pajisjeje,
makine, aparati apo mjeti, te cilat janë pjesë e një pajisjeje normale dhe përfshihen
në çmim të saj ose nuk janë faturuar veçmas, konsiderohen si një me pjesën e
pajisjes, makinës, aparatit ose mjetit në fjalë.
Neni 10
Kompletet
Kompletet, sipas përcaktimit në rregullin e përgjithshëm 3 të sistemit të
harmonizuar, konsiderohen me origjinë kur të gjithë produktet përbërës janë me
origjinë. Megjithatë, kur një komplet përbëhet nga produkte me dhe pa origjinë,
kompleti si i tërë konsiderohet me origjinë, me kusht që vlera e produkteve pa
origjinë të mos kalojë 15 për qind të çmimit ex-works së kompletit.
Neni 11
Elementët neutrale
Me qëllim që të përcaktohet nëse një produkt është me origjinë, nuk është e
nevojshme të përcaktohet origjina e zërave të mëposhtme të cilët mund të përdoren
gjatë prodhimit të tij:
a) energjia elektrike dhe karburanti;
b) fabrika dhe pajisjet;
c) makineritë dhe veglat;
d) mallrat të cilat nuk hyjnë dhe të cilat nuk synohen të përfshihen në
përbërjen finale të produktit.
194