Marrëveshja CEFTA - Dogana e Kosovës

shumica e anëtareve të bordeve të tilla janë nënshtetas të këtyre palëve dhe të cilët,
përveç kësaj, në rastin e ortakërisë ose kompanive të kufizuara, të paktën gjysma e
kapitalit i përket këtyre Palëve ose institucioneve publike apo shtetasve të këtyre
palëve;
d) pronarët dhe zyrtarët e të cilëve janë shtetas të këtyre palëve;
dhe
e) të paktën 75 për qind e ekuipazhit e të cilëve janë shtetas të këtyre
palëve.
Neni 6
Produkte të punuara ose përpunuara plotësisht
1. Për qëllime të nenit 2, produktet të cilat nuk janë tërësisht të përftuara
konsiderohen të punuara ose përpunuara në masë të mjaftueshme nëse plotësohen
kushtet e caktuara në listën e aneksit II.
Kushtet e përmendura më sipër, për të gjithë produktet që mbulon kjo
marrëveshje, punimi ose përpunimi që duhet të kryhet në materialet jo të origjinës
të përdorura për prodhim dhe zbatohen vetëm në lidhje me materiale të tilla.
Përkatësisht nëse një produkt i cili ka marrë statusin e origjinës duke plotësuar
kushtet e caktuara në listë, është përdorur në prodhimin e një produkti tjetër,
kushtet e zbatueshme ndaj produktit në të cilin ai është bashkuar nuk zbatohen mbi
të, dhe nuk do të merren parasysh materialet jo të origjinës të cilat mund të jenë
përdorur në prodhimin e tij.
2. Pavarësisht nga paragrafi 1, materialet jo të origjinës të cilat, sipas kushteve të
caktuara në listë, nuk do të përdoren në prodhimin e një produkti, mund të
përdoren, me kusht që:
a) vlera e tyre totale nuk i kalon 10 për qind te çmimit të para punimit të
produktit;
b) asnjë nga përqindjet e dhëna në listë për maksimumin e vlerës së
materialeve jo të origjinës nuk tejkalohen nëpërmjet zbatimit të këtij paragrafi.
Ky paragraf nuk zbatohet për produktet që përfshihen në kapitullin 50 deri 63 të
Sistemit të Harmonizuar.
3. Paragrafët 1 dhe 2 zbatohen në pajtim me dispozitat e nenit 7.
Neni 7
Punim ose përpunim i pamjaftueshëm
1. Pa cenuar paragrafin 2, operacionet e mëposhtëm konsiderohen si punime ose
përpunime të pamjaftueshme për t’i dhënë statusin e origjinës së produktit,
pavarësisht nëse janë plotësuar ose jo kërkesat e Nenit 6:
192