Marrëveshja CEFTA - Dogana e Kosovës

Për qëllimet e këtij protokolli:
(a) ”prodhim” është çdo lloj punimi apo përpunimi duke përfshirë montimin ose
operacione specifike;
(b) “material” është çdo përbërës, lëndë e parë, përbërës apo pjesë etj, i përdorur
në prodhimin e produktit;
(c) “produkt” është produkti që prodhohet, edhe nëse është i destinuar për
përdorim të mëvonshëm në një operacion tjetër prodhimi;
(d)"mallra" përfshin së bashku, materialet dhe produktet;
(e) "vlera doganore" është vlera e përcaktuar në përputhje me marrëveshjen e
vitit 1994 mbi zbatimin e nenit VII-të të marrëveshjes së përgjithshme mbi tarifat
dhe tregtinë GATT (Marrëveshja e OBT-së mbi vlerësimin doganor);
(f) "çmimi ex-work" do të thotë çmimi i paguar për produktin ex-work tek
prodhuesit e produktit në palët në sipërmarrjen e të cilit kryhet puna ose
përfundimi i fundit, me kusht që çmimi të përfshijë vlerën e të gjitha materialeve
të përdorura, minus taksat e brendshme që ripaguhen ose mund të ripaguhen kur
produkti i përftuar eksportohet;
(g) "vlera e materialeve" do të thotë vlera doganore në kohën e importimit të
materialeve të përdorura jo të origjinës, ose, nëse kjo nuk është e njohur dhe nuk
mund të përcaktohet, çmimi i parë i përcaktuar i paguar për materialet në Palët;
(h) “vlera e materialeve të origjinës” është vlera e këtyre materialeve sipas
përkufizimit të (g) zbatuar mutatis mutandis;
(i) “vlera e shtuar” merret të jetë çmimi ex-works minus vlerën e doganës së
secilit prej materialeve të përfshira që kanë origjinën në Palën, në Bashkimin
Evropian ose në shtetet e tjera referuar nenit 3, në të cilin kumulimi është i
zbatueshëm ose nëse vlera e doganës nuk është e njohur ose nuk mund te gjendet,
çmimi i parë i përcaktueshëm i paguar për materialet në palët;
(j) “kapituj” ose “tituj” janë kapitujt ose titujt (kode me katër shifra) të
përdorura në nomenklaturën që përbën përshkrimin e harmonizuar të mallrave dhe
sistemin e kodimit, të referuar në këtë protokoll si “Sistemi i Harmonizuar” ose
“HS”;
(k) “i klasifikuar” është klasifikimi i produktit ose materialit nën një titull të
caktuar;
(l) “dërgesë” janë produktet që dërgohen njëkohësisht nga një eksportues tek një
marrës ose që mbulohen nga një dokument i vetëm transporti që mbulon dërgimin
e tyre nga eksportuesi tek dërguesi, ose, në mungesë të një dokumenti të tillë, nga
një faturë e vetme;
(m) “territore” përfshin ujërat territoriale.
TITULLI II
PËRKUFIZIMI I KONCEPTIT TË “PRODUKTEVE ORIGJINUESE”
Neni 2
Kërkesa të përgjithshme
188