Marrëveshja CEFTA - Dogana e Kosovës

Neni 24
Kushtet dhe procedurat për marrjen e masave
1. Para fillimit të procedurës për aplikimin e masave të parashikuara në
nenet 20, 21 dhe 23, Palët përpiqen të zgjidhin mosmarrëveshjet
ndërmjet tyre me anë të konsultimeve të drejtpërdrejta.
2. Nëse një Palë e kanalizon importin e produkteve të cilat sjellin
situatën e referuar në nenin 23 drejt një procedure administrative që
ka si qëllim dhënien e menjëhershme të këtij informacioni mbi
tendencën e flukseve tregtare, ajo do të informojë menjëherë palët e
interesuara.
3. Pa paragjykuar paragrafin 7 të këtij neni, një palë, që konsideron
marrjen e masave të parashikuara në nenet 20, 21 dhe 23, njofton
menjëherë çdo Palë të interesuar dhe Komitetin e Përbashkët dhe jep
të gjithë informacionin përkatës. Komiteti i Përbashkët shqyrton
çështjen pa vonesë dhe mund të bëjë çdo rekomandim të nevojshëm
për të përfunduar vështirësitë e njoftuara. Në mungesë të një
rekomandimi të tillë brenda 30 ditëve kalendarike që kur çështja i
është referuar Komitetit të Përbashkët, apo nëse praktika e
kundërshtuar nuk eliminohet brenda periudhës së përcaktuar nga
Komiteti i Përbashkët, dhe nëse problemi vazhdon, pala ankimuese
mund të marrë masat duhura të nevojshme për të rregulluar situatën.
4. Masat siç janë parashikuar në nenet 21, 23, dhe 42 do të kufizohen
në lidhje me shtrirjen dhe kohëzgjatjen e tyre për sa është tepër e
nevojshme me qëllim për të korrigjuar problemin dhe nuk do të
tejkalojë dëmin e shkaktuar nga praktika. Prioritet u jepet atyre
masave që shtrembërojnë më pak funksionimin e kësaj
marrëveshjeje.
5. Masat dypalëshe mbrojtëse sipas nenit 23, paragrafi 2 do të
konsistojnë në një rritje korresponduese të tarifës doganore të
zbatueshme sipas kësaj marrëveshjeje. Niveli rezultues i tarifës nuk
do të kalojë më të voglën e:
a. nivelit të tarifës doganore MFN që është në fuqi në momentin që
është marrë veprimi, ose
b. masës së tarifës doganore MFN në fuqi në ditën menjëherë para
datës së hyrjes në fuqi të kësaj marrëveshjeje.
Masat dypalëshe mbrojtëse do të përmbajnë elementë të qartë që
çojnë gradualisht në eliminimin e tyre dhe nuk merren për një
periudhë që kalon një vit. Ato nuk mund të rinovohen më shumë se
dy herë. Asnjë mase nuk aplikohet për importin e një produkti që i
është nënshtruar më parë një mase të tillë për një periudhë prej dy
vjetësh qysh prej skadimit të masës.
18