Marrëveshja CEFTA - Dogana e Kosovës

për zbatimin e nenit VI-të të GATT-it dhe në kushtet e përcaktuar në
deklaratën e përbashkët në lidhje me këtë nen.
2. Pala njofton menjëherë çdo palë të interesuar dhe Komitetin e
Përbashkët për veprimet dhe masat që ajo merr dhe jep menjëherë të
gjithë informacionin përkatës.
Neni 23
Masat mbrojtëse të përgjithshme
1. Palët konfirmojnë të drejtat e tyre për marrjen e një mase mbrojtëse
në përputhje me nenin XIX-të të GATT-it dhe marrëveshjen e OBT-së
për masat mbrojtëse sipas kushteve të përcaktuara në deklaratën e
përbashkët në lidhje me këtë nen.
2. Pavarësisht nga paragrafi 1, nëse si rezultat i detyrimeve që rrjedhin
për një palë në këtë marrëveshje, çdo produkt i importuar në sasi të
tilla të rritura dhe në kushtet të tilla, nga një palë në këtë
marrëveshje, që shkakton ose rrezikon të shkaktojë:
a. dëme serioze prodhuesve të brendshëm të produkteve të
ngjashme ose drejtpërdrejt të konkurueshëm në territorin e palës
importuese, ose
b shqetësime serioze në një sektor të ekonomisë që mund të
shkaktojë deformim serioz të gjendjes ekonomike të palës
importuese,
Pala importuese mund të marrë masat e përshtatshme mbrojtëse
dypalëshe ndaj palës tjetër në këtë Marrëveshje sipas kushteve dhe në
përputhje me procedurat përkatëse të përcaktuara në nenin 24.
Neni 23 bis
Pavarësisht nga dispozitat e tjera të kësaj marrëveshjeje dhe në
veçanti nenit 23, duke pasur parasysh ndjeshmërinë e veçantë të
tregjeve të bujqësisë, në rast se importet e produkteve që e kanë
origjinën në një palë, të cilat janë subjekt i koncesioneve të dhëna në
aneksin 3, shkaktojnë çrregullime serioze në tregjet ose mekanizmat
rregullatorë të brendshëm në palën tjetër, të dyja palët do të fillojnë
menjëherë konsultimet për të gjetur një zgjidhje të përshtatshme. Në
pritje të kësaj zgjidhjeje, pala përkatëse mund të marrë masat që ajo i
konsideron si të nevojshme.
17