Marrëveshja CEFTA - Dogana e Kosovës

a. të gjitha marrëveshjet ndërmjet sipërmarrjeve, vendimet e
shoqatave të sipërmarrjeve dhe praktikat e bashkërenduara
ndërmjet sipërmarrjeve që kanë si objekt të tyre ose ndikojnë në
parandalimin, kufizimin ose deformimin e konkurrencës në
territoret e palëve si një i tërë ose në një pjesë të konsiderueshme
të tyre;
b. abuzimi nga një ose më shumë sipërmarrje i një pozicioni
dominues në territoret e palëve si një i tërë ose në një pjesë të
konsiderueshme të tyre.
2. Çdo praktikë në kundërshtim me këtë nen vlerësohet mbi bazën e
parimeve të rregullave të konkurrencës të zbatueshme në Komunitetin
Evropian, veçanërisht nenet 81, 82, dhe 86 të marrëveshjes që
themeloi Komunitetin Evropian.
3. Më 1 maj 2010 dispozitat e paragrafëve 1 dhe 2 do të zbatohen për të
gjitha aktivitetet e të gjitha sipërmarrjeve, duke përfshirë sipërmarrjet
publike dhe sipërmarrjet në të cilat palët japin të drejta të veçanta
ose ekskluzive. Sipërmarrjet që ngarkohen me operimin e shërbimeve
të një interesi të gjerë ekonomik ose që kanë karakter monopoli në
krijimin e të ardhurave, do t’u nënshtrohen dispozitave të paragrafëve
1 dhe 2 deri në atë masë që zbatimi i këtyre dispozitave nuk cenon
kryerjen, ligjërisht ose faktikisht, të detyrave publike të caktuara që u
janë ngarkuar.
4. Në lidhje me produktet që përmenden në kapitullin III, dispozitat e
paragrafit 1(a) nuk zbatohen për këto marrëveshje, vendime dhe
praktika që formojnë një pjesë integrale të një organizmi të tregut të
brendshëm.
5. Palët marrin përsipër të zbatojnë ligjet e tyre përkatëse të
konkurrencës me qëllim heqjen e praktikave referuar paragrafit 1.
6. Palët do të njoftojnë njëra-tjetrën për aktivitetet përkatëse të zbatimit
dhe do të shkëmbejnë informacion. Asnjë pale nuk do t’i kërkohet të
përhapë informacion që është konfidencial në bazë të legjislacionit të
saj të brendshëm. Me kërkesë, autoritetet e konkurrencës dhe/ose
autoritetet e tjera përkatëse të palëve të interesuara do të fillojnë
konsultime me qëllim që të lehtësojnë heqjen e praktikave referuar
paragrafëve 1 dhe 2. Pala e adresuar do t’i kushtojë vëmendje të
plote kësaj kërkese. Ky bashkëpunim nuk i pengon palët të marrin
vendime autonome.
7. Nëse një palë është e mendimit që një praktikë e dhënë nuk është në
përputhje me paragrafët 1–4 të këtij neni dhe një praktikë e tillë
shkakton ose kërcënon shkaktimin e dëmeve serioze të interesave të
asaj palë ose dëm material në industrinë e saj të brendshme, ajo mund
të marrë masat e përshtatshme në bazë të kushteve dhe në përputhje
me procedurën e parashikuar në nenin 24.
15