Marrëveshja CEFTA - Dogana e Kosovës

ndërmjet produkteve origjinuese tek Palët dhe do të eliminojnë këto
masa, nëse ekzistojnë, me hyrjen në fuqi e kësaj marrëveshjeje.
2. Produktet e eksportuara në territorin e një prej Palëve mund te mos
të përfitojnë nga rimbursimi i taksave të brendshme përtej shumës së
taksave indirekte të vendosura mbi to.
Neni 16
Pagesat
1. Pagesat në monedhat lehtësisht të konvertueshme në lidhje me
tregtinë në mallrat ndërmjet palëve dhe transferimin e këtyre
pagesave në territorin e palës, ku kreditori është rezident janë të lira
nga çdo kufizim.
2. Palët nuk do të vendosin asnjë kufizim administrativ ose kufizim të
shkëmbimit valutor për donacionet, rimbursimet ose pranimin e
kredive afatshkurtra dhe afatmesme në tregtinë e mallrave në të cilën
merr pjesë një rezident.
3. Pavarësisht nga dispozitat e paragrafit 2 të këtij neni, të gjitha masat
në lidhje me pagesat korrente që janë të lidhura me lëvizjen e
mallrave do të jenë në përputhje me kushtet e përcaktuara sipas nenit
VIII-të të Neneve të marrëveshjes së Fondit Monetar Ndërkombëtar
dhe do të zbatohen në baza jo-diskriminuese.
Neni 17
Përjashtime të përgjithshme
Kjo Marrëveshje nuk do të pengojë ndalimin ose kufizimin e importeve,
eksporteve apo mallrat në transit të justifikuar mbi bazën e moralit publik,
politikën publike ose sigurinë publike, mbrojtjen e shëndetit dhe jetës së
njerëzve, kafshëve ose bimëve, mbrojtjen e pasurive kombëtare që kanë
vlerë artistike, historike ose arkeologjike, mbrojtjen e pasurisë
intelektuale ose rregullat në lidhje me arin ose argjendin ose konservimin
e burimeve natyrore në shterim, nëse këto masa janë të efektshme kur
lidhen me kufizimet mbi prodhimin ose konsumin e brendshëm. Këto
ndalime ose kufizime nuk do të përbëjnë një mjet të diskriminimit arbitrar
ose një kufizim të fshehtë të tregtisë ndërmjet palëve.
Neni 18
Përjashtimet e sigurisë
Asgjë në këtë marrëveshje nuk e pengon një palë nga marrja e një mase
që ajo e konsideron të nevojshme për:
1. parandalimin e përhapjes së informacionit në kundërshtim me
interesat e tij esenciale të sigurisë;
13